ភ្នំពេញ៖បុរសម្នាក់ត្រូវថយន្តកិនបែកក្បាលធ្លាយខួរស្លាប់ បន្ទាប់ជិះម៉ូតូមួយគ្រឿង ត្រូវរថយន្តធុនធំមិនស្គាល់ស្លាកលេខ បើកមកបុកពីក្រោយ រួចកិនចំពីលើក្បាល។ ចំណែករថយន្តបង្កបើកទៅមុខរត់គេចខ្លួនបាត់។
ហេតុការណ៍នេះ កើតឡើងកាលវេលាម៉ោង២និង៥០នាទីរំលងអាធ្រាត្រ ថ្ងៃទី៧ ខែមករា ឆ្នាំ២០២១
ស្ថិតតាមបណ្ដោយផ្លូវជាតិលេខ៣ ចំណុចកងពលតូច ៧០ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលស្លាប់មានឈ្មោះ ខឿន ខាវ អាយុ២៣ឆ្នាំ មានស្រុកកំណើតភូមិតាខ្មៅ ឃុំកន្សោងអក ស្រុកកំពង់ត្របែក ខេត្តព្រៃវែង។
ប្រភពព័ត៌មានពីកន្លែងកេីតហេតុបានឲ្យដឹងថា ៖មុនពេលកើតគេឃើញរថយន្តធុនធំមួយគ្រឿង មិនចាំស្លាកលេខ បើកបរក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតខាងលើ បានបុកម៉ូតូសេ១២៥ឆ្នាំ២០២០ ពណ៌ខ្មៅ ពាក់ស្លាកលេខ ភ្នំពេញ 1IE 1696 ជិះដោយយុវជនម្នាក់ ពីក្រោយពេញទំហឹងនិងកិនចំក្បាលបែកធ្លាយខួរស្លាប់គួរឲ្យរន្ធត់។
ចំណែករថយន្តបង្ក មិនបានឈប់ទទួលខុសត្រូវនោះទេ បានបន្ថែមល្បឿនបើករត់គេចបាត់ស្រមោល។
សមត្ថកិច្ចបានយកម៉ូតូទៅរក្សាទុកនៅអធិការនគរបាលខណ្ឌរងចាំស្រាវជ្រាវរករថយន្តបង្កឲ្យចូលខ្លួនមកដោះស្រាយតាមផ្លូវច្បាប់៕ដោយ៖សុខាសែនជ័យ
