ខ្សែបំរើសញ្ជាតិបារាំង Paul Pogbaរបស់ក្លិបសេះបង្កង់Juventusដែលទើបតែមានវ័យ២២ឆ្នាំនោះបានក្លាយទៅជាកីឡាករមានឈ្នោះល្បីល្ប៉ាញ ហើយត្រៀមចុះកិច្ចសន្យារយះពេល១០ឆ្នាំជាមួយនឹងក្រុមហ៊ុនលក់សំភារះកីឡាAdidas។

យោងទៅតាមកាសែតកីឡាអ៊ីតាលី La Gazzetta dello Sport បានឲដឹងថា កិច្ចសន្យាដែលកីឡាករPaul Pogbaនឹងចុះជាមួយក្រុមហ៊ុនអាល្លឺម៉ង់នោះមានតំលៃរហូតដល់ទៅ៣១លានផោន។ ចំណែកក្រុមហ៊ុនសំភារះកីឡាករNike ក៏បានចាប់អារម្មណ៏លើកីឡាករPaul Pogbaដែរតែរូបគេបានជ្រើសរើសយកក្រុមហ៊ុន Adidasវិញ។

Pogba ក៏ជាកីឡាករមួយរូបដែលក្រុមManchester Cityចង់ទិញមកចូលរួមក្រុមនៅរដូវកាលក្រោយក្រោមការដឹកនាំរបស់គ្រូបង្វឹកសញ្ជាតិអេស្ប៉ាញ Pep Guardiola។

ការប៉ះគ្នារវាងក្រុម Juventus និងBayern Munich នៅក្នុងវគ្គ១៦ក្រុមចុងក្រោយChampions Leagueនឹងធ្វើឲ Pogbaមានឱកាសបញ្ចេញធ្វីជើងចំពោះមុខលោកPep Guardiolaតែម្តង។ មិនមែនមានតែក្រុមMan Cityនោះ តែក្រុមយក្សអេស្ប៉ាញReal Madrid និង Barcelonaក៏ចង់បានកីឡាករ Pogbaដូចគ្នា៕