ភ្នំពេញ៖ លោតផ្លោះរបងគឺជា វិញ្ញាសាកីឡាអត្ដពលកម្មមួយក្នុង ចំណោម៣៦វិញ្ញាសាដែលជាង២ខែ កន្លងមកហើយសហព័ន្ធកីឡាអត្ដពល កម្មកម្ពុជាបាននិងកំពុងជំរុញការបង្វឹក ហាត់ដល់កីឡាករកីឡាការិនីរបស់ខ្លួន លើប្រភេទវិញ្ញាសាថ្មីនេះដើម្បីត្រៀម លក្ខណសម្បត្ដិចូលរួមធ្វើតេស្ដជម្រុះជាមួយបណ្ដាប្រទេសដទៃទៀតក្នុងទ្វីបអាស៊ីឆ្ពោះទៅប្រកួតក្នុងព្រឹត្ដិការណ៍កីឡាអូឡាំពិកនៅប្រទេសប្រេស៊ីល ។
កីឡាករ យី បារាំង និងកីឡាការិនី ឌួង ស្រីភាព បានព្យាយាមហ្វឹកហាត់កីឡា ដ៏លំបាកនិងមិនធ្លាប់មានក្នុងប្រទេស កម្ពុជានេះបើទោះបីពួកគេជួបការលំបាក ខ្លាំងប៉ុនណាក៏ដោយក៏ពួកគេនៅតែតស៊ូហ្វឹកហាត់ទាំងព្រឹកទាំងល្ងាចក្រោមការទទួលខុសត្រូវនិងបង្ហាត់ពីលោកឡាក់ ឡុច គ្រូជម្រើសជាតិផ្នែកអត្ដពលកម្ម ។
ជួបជាមួយអ្នកយកព័ត៌មាននគរវត្ដ កីឡាករ យី បារាំង បានប្រាប់ឱ្យដឹងថា វិញ្ញាសាលោកផ្លោះរបងដែលខ្ញុំហ្វឹកហាត់ជាង២ខែនេះពិតជាលំបាកខ្លាំងណាស់ ពីព្រោះខ្ញុំធ្លាប់លេងតែវិញ្ញាសា១០០ ម៉ែត្រ និង២០០ម៉ែត្រ រត់ល្បឿនលើផ្ទៃ រាបនៅពេលប្ដូរទៅហ្វឹកហាត់វិញ្ញាសា នេះត្រូវធ្វើលំហាត់ពីដំបូងឡើងវិញទាំងអស់ ។
និស្សិតផ្នែកភាសាអង់គ្លេសរូបនេះ បានអះអាងថា ខ្ញុំនឹងមិនរាថយឡើយ ចំពោះបញ្ហាលំបាកខ្លះៗក្នុងការហ្វឹក ហាត់វិញ្ញាសាលោតផ្លោះរបងដែលជា វិញ្ញាសាថ្មីសម្រាប់កម្ពុជាក៏ដូចរូបខ្ញុំ ដែរ ។ ការតាំងចិត្ដខាងលើដោយសារខ្ញុំ ស្រលាញ់កីឡាគ្រប់ប្រភេទតាំងពីតូច ហើយក៏ធ្លាប់បានចូលរួមប្រឡងគ្រូកីឡាម្ដងដែរប៉ុន្ដែគ្មានឱកាសជាប់នឹងគេគឺ បានត្រឹមតែដេកសម្រក់ទឹកភ្នែកសោកស្ដាយប៉ុណ្ណោះ ។
លោក ឡាក់ ឡុច បានប្រាប់ឱ្យដឹងថា វិញ្ញាសានេះថ្មីសម្រាប់កម្ពុជាយើង ប៉ុន្ដែ ឧបករណ៍យើងមានយូរហើយគ្រាន់តែ យើងគ្មានធនធានហ្វឹកហាត់ប៉ុណ្ណោះ ។ ប៉ុន្មានខែនេះខ្ញុំបានធ្វើតេស្ដរកបានកីឡាករកីឡាការិនី៣ទៅ៤នាក់ដែរប៉ុន្ដែមាន តែកីឡាករម្នាក់និងកីឡាការិនីម្នាក់ ប៉ុណ្ណោះដែលមកហាត់ជាប់លាប់តាម កម្មវិធីរបស់ខ្ញុំ ។
គ្រូជម្រើសជាតិអត្ដពលកម្មរូបនេះ បានបន្ដទៀតថា កីឡាករ យី បារាំង ហ្វឹកហាត់លើវិញ្ញាសាលោតផ្លោះរបងចម្ងាយ១១០ម៉ែត្រ និងកីឡាការិនី ឌួង ស្រីភាព លោតផ្លោះរបងចម្ងាយ១០០ ម៉ែត្រ និងកីឡាករ សុខ ម៉ុងតារា លោត ផ្លោះរបងចម្ងាយ១១០ម៉ែត្រ ។
លោកបានបញ្ជាក់ពីលក្ខណៈបច្ចេក ទេសខ្លះៗរបស់ការលោតផ្លោះ(A)ឬក៏ លោតផ្លោះរបងថា សម្រាប់វិញ្ញាសា លោតភ្លោះរបងគឺជាវិញ្ញាសាមួយក្នុង ចំណោមវិញ្ញាសាកីឡាអត្ដពលកម្មជាង៣០វិញ្ញាសាដោយគេបានកំណត់ថា កីឡាករត្រូវលោតភ្លោះរបងចម្ងាយ ១១០ម៉ែត្រ ។ ក្នុងនោះរយៈចម្ងាយ១១០ ម៉ែត្រនោះកីឡាករត្រូវលោតផ្លោះរបងចំនួន១០ដង ទើបដល់ទីព្រ័ត្រចន្លោះពី របងមួយទៅរបងមួយផ្សេងទៀតមាន ចម្ងាយ៩,១៤ម៉ែត្រគម្លាតពីកន្លែង ចេញដំណើរដល់A ទី១-មានចម្ងាយ ១៣,៧២ម៉ែត្រ និងចុងបញ្ចប់Aទី១០ ដល់ទីផ្ដាច់ព្រ័ត្រមានចម្ងាយ១៤,០២ ម៉ែត្រនេះសម្រាប់បុរស ។
ដោយឡែកសម្រាប់នារីត្រូវលោត ផ្លោះរបង(A)ចំនួន១០ដងប៉ុន្ដែចម្ងាយពីកន្លែងចេញដំណើរទៅដល់ (A) ទី១ ចម្ងាយ១៣ម៉ែត្រ តែចន្លោះពី(A)ទី១ ដល់(A)ទី១០មានចម្ងាយពីគ្នាត្រឹមតែ៨,៥០ម៉ែត្រ ហើយនៅចុងបញ្ចប់(A) ទី១០ទៅដល់ទីផ្ដាច់ព្រ័ត្រចម្ងាយ១០,៥០ ម៉ែត្រក្នុងនោះកម្ពស់(A)សម្រាប់បុរស គឺ១,០៦៧ម៉ែត្រ រីឯនារីកម្ពស់០,៨៤០ ម៉ែត្រ ៕
ដោយ៖ សារីម
