តំបន់មុំបី ៖ លោកឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើង មេបញ្ជាការ កងពលធំអន្តរាគមន៍លេខ៣ នៅថ្ងៃទី១៤ ខែកុម្ភៈ ឆ្នាំ២០២១នេះ បានដឹកនាំក្រុមការងារ អញ្ជើញចុះត្រួតពិនិត្យ ការងារកសាងរបស់កងវិស្វកម្មកងទ័ពជើងគោក ដឹកនាំកម្លាំងដោយ ឧត្តមសេនីយ៍ត្រី ចាន់ សាន មេបញ្ជាការរង បញ្ជាការដ្ឋាន វិស្វកម្មកងទ័ពជើងគោក ទទួលទិសខេត្តព្រះវិហារ ដែលបានសហការណ៍ ជួយធ្វើជួសជុលទំនប់ទឹកស្តុកទឹក ធ្វើផ្លូវលំឆ្ពោះទៅកាន់ទីលានបាញ់ស៊ីប និងព្រលានយន្តហោះ នៅទីបញ្ជាការស្រាល ព្រមទាំងចុះសួរសុខទុក្ខ កម្លាំងដែលប្រចាំការ នៅទីបញ្ជាការស្រាល កងពលធំអន្តរាគមន៍លេខ៣ ស្ថិតនៅភូមិសែនរុងរឿង៣ ឃុំ មរកត ស្រុកជាំក្សាន្ត ខេត្តព្រះវិហារ។
ក្នុងដំណើរចុះត្រួតពិនិត្យការងារ លោកឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ៣ ថ្លែងអំណរគុណយ៉ាងជ្រាលជ្រៅចំពោះការសហការ និងការខិតខំប្រឹងប្រែងរបស់កងវិស្វកម្មកងទ័ពជើងគោក កន្លងមក និងបាននាំយកនូវអំណោយគ្រឿងបរិភោគឧបភោគ និងថវិកាមួយចំនួនជូនកម្លាំងកងវិស្វកម្មកងទ័ពជើងគោកផងដែរ៕
ដោយ, សិលា
