ភ្នំពេញ៖ សម្តេចតេជោ ហ៊ុន សែន បានមានប្រសាសន៍ថា ផ្លូវទំនប់កប់ស្រូវ ឬផ្លូវ ១២០K (ផ្លូវក្រវ៉ាត់ក្រុង) ដែលមានប្រវែងប្រមាណ ១៨ គម បត់ចូលពីផ្លូវជាតិលេខ ៤ ទៅស្ពានព្រែកភ្នៅធ្លាយទៅផ្លូវជាតិលេខ ៥ ឆ្ពោះទៅព្រំដែនប៉ោយប៉ែត ខេត្តបន្ទាយមានជ័យ ដែលពីមុនគឺជាផ្លូវលំហុយដីសំពោង ធ្វើអោយពលរដ្ឋមានការពិបាកក្នុងការធ្វើដំណើរ និងប្រកបការងាររកស៊ីទទួលទាន។ ពេលនេះរាជរដ្ឋាភិបាលបានចាក់បេតុង និងក្រាល កៅស៊ូយ៉ាងស្អាតជួយសម្រួល ដល់ការធ្វើដំណើរដល់ពលររដ្ឋកាន់តែងាយស្រួល។ ជាក់ស្តែងប្រជា ពលរដ្ឋដែលរស់នៅតាមបណ្តាយផ្លូវនេះគឺកាន់តែមានឱកាសប្រកបរបរការងាររកស៊ីទទួលទានមានជីវភាពធូរធារពីមួយថ្ងៃទៅមួយថ្ងៃ។

សម្តេចតេជោ ហ៊ុន សែន បន្តខិតខំកសាងប្រទេសជាតិ ដើម្បីប្រជាពលរដ្ឋខ្មែរកាន់តែមានឱកាសជីវភាពរស់នៅប្រសើរឡើង៕

ដោយ៖ សុវណ្ណារ៉ា