ភ្នំពេញ៖ សម្តេចតេជោ ហ៊ុន សែន បានមានប្រសាសន៍ថា ផ្លូវ ១២០K ឬផ្លូវទំនប់កប់ស្រូវ ក្រវ៉ាត់ក្រុងមិនត្រឹមតែជួយសម្រួលដល់ការធ្វើដំណើរ របស់ ប្រជាពលរដ្ឋតែប៉ុណ្ណោះទេ គឺជាផ្លូវដែលផ្តល់សក្តានុពលសេដ្ឋកិច្ចដ៏សំខាន់។ បច្ចុប្បន្ននេះ គឺមានក្រុមហ៊ុនជាតិ និងអន្តរជាតិជាច្រើនបានបង្កើតផែស្ងួតសម្រាប់ដឹកទំនិញចេញចូល ជាច្រើនកន្លែងរួមទាំងរោងចក្រតូចធំនៅតាមបណ្តោយផ្លូវ។ផ្លូវនេះគឺបានជួយសម្រួលដល់ការដឹកជញ្ជូនទំនិញតូចធំគ្រប់ប្រភេទពីផ្លូវជាតិលេខ ៥ ទៅលេខ៤ ទៅវិញទៅមកយ៉ាងងាយស្រួលបំផុត ចៀសវាង ដឹកឆ្លងកាត់ ទីក្រុងភ្នំពេញដែលបណ្តាលអោយកកស្ទះចរាចរណ៌ និងគ្រោះថ្នាក់ផ្សេងៗ។

សន្តិភាព និងទំនុកចិត្តរបស់វិនិយោគិនបរទេសចំពោះការដឹកនាំរបស់ សម្តេចតេជោ ហ៊ុន សែន គឺបាននាំមកនូវការងារ និងប្រាក់ចំណូលជាច្រើនសម្រាប់ប្រជាពលរដ្ឋ និងប្រទេជាតិទាំងមូល៕

ដោយ៖ សុវណ្ណារ៉ា