រយៈពេលមួយថ្ងៃក្រោយកិច្ចព្រម ព្រៀងឈប់បាញ់នៅស៊ីរីចូលជាធរមាន ស្ថានភាពនៅក្នុងប្រទេសស៊ីរីស្ងប់ស្ងាត់ជាបណ្ដោះអាសន្ន។ នៅពេលនេះការខិត ខំទំនាក់ទំនងត្រូវបានបង្កើតឡើងរវាង ក្រុមប្រឆាំងរដ្ឋាភិបាលនឹងទាហានរដ្ឋា ភិបាលដើម្បីអនុវត្ដកិច្ចព្រមប្រៀងឈប់បាញ់ប្រកបដោយប្រសិទ្ធភាព ។
ពលរដ្ឋស៊ីរីនៅរដ្ឋធានីដាម៉ាកាស បានឱ្យដឹងថា ស្ថានភាពនៅពេលនេះ ពិតជាស្ងប់ស្ងាត់ហើយពួគាត់មានការ ពេញចិត្ដយ៉ាងខ្លាំងចំពោះកិច្ចព្រមប្រៀងឈប់បាញ់ខាងលើ។ ពលរដ្ឋស៊ីរីបានដេក លក់ពេញមួយយប់យ៉ាងសុខសាន្ដដោយ មិនបានឮស្នូរគ្រាប់កាំភ្លើងទៀតនោះ ឡើយ។ ពលរដ្ឋស៊ីរីបានធ្វើដំណើរដោយ សេរីទៅមកនៅក្នុងក្រុងដោយមិនមានក្ដីកង្វល់ ។
ពលរដ្ឋដែលរស់នៅក្នុងតំបន់សមរភូមិក្ដៅបំផុតក៏ទទួលបានបរិយាកាស ស្ងប់ស្ងាត់ជាលើដំបូងក្នុងរយៈពេលជាង៥ឆ្នាំកន្លងមកនៅស៊ីរី។ ពលរដ្ឋរស់នៅ ក្នុងតំបន់ Jaramana ជាកន្លែងមានការ បាញ់ប្រហារគ្នាខ្លាំងបំផុតក៏មានភាព សប្បាយរីករាយនិងមានភាពស្ងប់ស្ងាត់។ ពលរដ្ឋស៊ីរីសង្ឃឹមថា កិច្ចព្រមព្រៀង ឈប់បាញ់នឹងអូសបន្លាយរយៈពេលយូរ។
ប៉ុន្ដែមិនមែននៅគ្រប់ទីកន្លែងក្នុង ប្រទេស៊ីរីសុទ្ធតែទទួលបានប្រយោជន៍ពី កិច្ចព្រមព្រៀងឈប់បាញ់នោះទេ តំបន់ មួយចំនួនរងការវាយប្រហារពីក្រុមភេរវកម្ម IS អាល់កៃដា ដែលជាក្រុមមិន មាននៅក្នុងកិច្ចព្រមព្រៀងឈប់បាញ់។ ប្រព័ន្ធផ្សព្វផ្សាយស៊ីរីបានផ្សាយថា មាន ករណីវាយប្រហារគ្រាប់បែកបង្កៃក្នុងរថយន្ដនៅខេត្ដហាម៉ាបានសម្លាប់មនុស្ស ២នាក់ហើយក្រុម IS បានចេញមុខទទួល ស្គាល់ការវាយប្រហារខាងលើ ។
នៅពេលនេះការខិតខំតាមរយៈកិច្ច ការបរទេសកំពុងត្រូវបានធ្វើឡើងយ៉ាងសកម្ម។ រដ្ឋមន្ដ្រីការបរទេសអាមេរិក លោកចន ឃើរី និងសមាសភាគីរដ្ឋ មន្ដ្រីការបរទេសរុស្ស៊ីលោក សឺហ្គេយ ឡារ៉ូ បង្ហាញការសាទរដល់កិច្ចព្រម ព្រៀងនៅស៊ីរីដែលកំពុងតែមានប្រសិទ្ធភាព។ ភាគីទាំងពីរបានពិភាក្សាពីការ ផ្ដល់ជំនួយដល់ពលរដ្ឋស៊ីរីក៏ដូចជាការ អនុវត្ដឱ្យបានខ្ជាប់ខ្ជួនរយៈពេលយូរ។
តាមការប្រកាសរបស់ក្រសួងការពារ ជាតិរុស្ស៊ីបានឱ្យដឹងថា ការវាយប្រហារ រវាងកម្លាំងទាហានរដ្ឋាភិបាលស៊ីរីនឹង ក្រុងប្រឆាំងបានបញ្ចប់នៅក្នុងស្រុកចំនួន ៣៤ទូទាំងប្រទេសស៊ីរីហើយអាមេរិកនិងរុស្ស៊ីបានបង្កើតទីតាំងនៅតាមតំបន់ ដើម្បីពិភាក្សារវាងក្រុមទាំងពីរ ៕ ម៉ែវ សាធី
