ភ្នំពេញ៖ បុរសម្នាក់ស្រវឹងស្រាជិះម៉ូតូឌ្រីមC125មួយគ្រឿង ក្នុងល្បឿនលឿនជ្រុលទៅបុកជាមួយម៉ូតូមួយគ្រឿងទៀតដែលធ្វើដំណើរបញ្ច្រាស់ទិសគ្នាពេញទំហឹងបណ្ដាលអោយរបួសធ្ងន់ម្នាក់ត្រូវបានរថយន្តដឹកយកទៅសង្គ្រោះនៅមន្ទីរពេទ្យ។
ហេតុការណ៍គ្រោះថ្នាក់ចរាចរណ៍នេះបកើតឡើងកាលពីវេលាម៉ោង០១និង៣០នាទីរំលងអាធ្រាត ឈានចូលថ្ងៃទី០២ ខែមិនា ឆ្នាំ២០១៦ នៅចំណុចផ្លូវព្រះសីុសុវត្ថិកែងនិងផ្លូវលេខ១៣៦ ស្ថិតកក្នុងសង្កាត់ ផ្សារកណ្តាល១ ខណ្ឌដូនពេញ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរសនិងនារីពីរនាក់ជិះម៉ូតូមួយគ្រឿងម៉ាកហុងដា គុបជ្រុង ពណ៍ទឹកប៊ិច ពាក់ស្លាកលេខ រ.4371.ភព1 ជិះដោយបុរសម្នាក់និងនារីម្នាក់ឌុបគ្នា ដោយធ្វើដំណើរតាមបណ្ដោយផ្លូវព្រះសីុសុវត្ថិទិសដៅពីត្បូងទៅជើង លុះមកដល់ចំណុចកើតហេតុស្រាប់តែមានបុរសម្នាក់ផ្សេងទៀត ជិះម៉ូតូម៉ាកឌ្រីមC125 ពណ៌ខ្មៅ ពាក់ស្លាកលេខ រតនៈគីរី 1A-1677 ធ្វើដំណើតបញ្ច្រាស់ទិសគ្នាស្ថិតក្នុងស្ថានភាពស្រវឹងជោកជាំ បានជ្រុលបុកគ្នាពេញទំហឹងបណ្ដាលអោយបុរសអ្នកជិះម៉ូតូឌ្រីសង់រងរបួសសន្លប់ស្ដូកស្ដឹងនៅនិងកន្លែងនិងអ្នកជិះម៉ូតូគុបរងរបួសស្រាល។
ក្រោយកើតហេតុរថយន្ដសង្គ្រោះបន្ទាន់បានទៅដឹកជនរងគ្រោះទៅសង្គ្រោះនៅមន្ទីរពេទ្យ ចំណែកម៉ូតូទាំងពីរគ្រឿងសមត្ថកិច្ចបានធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌដូនពេញ ដើម្បីរងចាំធ្វើការដោះស្រាយនៅពេលក្រោយ៕
ដោយ៖ ព្រែកជ័យ
