ខេត្តតាកែវ៖ ដើមកញ្ឆាដាំខុសច្បាប់ចំនួន ៤៤,៦៩២ដើម ស្មើនឹង១៣១ទីតាំង ត្រង់ចំណុចខ្នងបន្ទាយចាស់ ជ្រោះឬស្សី អ្នកតាចិនខាងជើងឈាងខាងលិចភ្នំបាយ៉ង់កោ ស្ថិតក្នុងភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ត្រូវបានសមត្ថកិច្ចខេត្តតាកែវ ក្រោមការសម្របសម្រួលពីតំណាងអយ្យការអមសាលាដំបូងខេត្ត និងមានការណែនាំចង្អុលបង្ហាញពីលោក អភិបាល នៃគណៈអភិបាលខេត្ត ព្រមទាំងការណែនាំបញ្ជាផ្ទាល់របស់លោកឧត្តមសេនីយ៍ទោ អ៊ុក សំណាង ស្នងការនគរបាលខេត្ត នៅថ្ងៃទី០២ ខែមីនា ឆ្នាំ២០១៥នេះ លោកវរសេនីយ៍ឯក ឡាយ ណារិទ្ធ ស្នងការរងទទួលផែនប្រឆាំងបទល្មើស និងលោកវរសេនីយ៍ឯក សូ ភី ស្នងការរងទទួលការងារព្រំដែន ព្រមទាំងមានការចូលរួមសហការពីលោកអភិបាល អភិបាលរងស្រុក លោកនាយការិយាល័យប្រឆាំងបទល្មើសគ្រឿងញៀន លោកអធិការនគរបាលស្រុកគិរីវង់ និងផ្នែកសឹករងស្រុក បានដឹកនាំកម្លាំងចុះដកនិងដុតកំទេចចោល៕

ដោយ៖ សុខ ខេមរា