ខេត្តត្បូងឃ្មុំ ៖​ យុវជនម្នាក់បានស្លាប់នឹងកន្លែងនិងយុវជនម្នាក់ទៀតបានរងរបួសធ្ងន់ ដោយសារករណីគ្រោះថ្នាក់ចរាចរណ៍រវាងម៉ូតូនិងរថយន្តទីតាន់។ហេតុការណ៍នេះកើតឡើងកាលវេលាម៉ោង៤:៣០នាទីល្ងាចថ្ងៃទី១៦ ខែកក្តដា ឆ្នាំ២០១៥ នៅលើផ្លូវជាតិលេខ៧Aត្រង់ចំណុចភូមិអណ្តូងជ័យ ឃុំក្រែក ស្រុកពញាក្រែក ខេត្តត្បូងឃ្មុំ។
សម្មត្ថកិច្ចមូលដ្ឋានបានឲ្យដឹងថា ជនរងគ្រោះដែលស្លាប់ក្នុងករណីនេះឈ្មោះ ធី សម្បត្តិ ភេទប្រុស អាយុ២៤ឆ្នាំ ជាអ្នកបើកបរម៉ូតូចំណែកជនរងគ្រោះដែលរងរបួសធ្ងន់រួមដំណើជាមួយឈ្មោះ ស៊ុន សាវ៉ាន់ ភេទប្រុស អាយុ២២ឆ្នាំ អ្នកទាំងពីរស់នៅភូមិ-ឃុំ ត្រពាំងផ្លុង ស្រុកពញាក្រែក ខេត្តត្បូងឃ្មុំ។ជនរងគ្រោះបើកបរម៉ូតូម៉ាកគុបចង្កៀងមូលពណ៍សំបកឪឡឹកគ្មានស្លាកលេខ។ ចំណែករថយន្តបង្កម៉ាកទីតាន់ពណ៍ខៀវ ពាក់ស្លាកលេខ ភ្នំពេញ 2P-1840បើកបរដោយជនមិនស្គាល់អត្តសញ្ញាណនិងក្រោយកើតហេតុបានបើកទ្វាររថយន្តចុះរត់បាត់។
តាមប្រភពអ្នកឃើញហេតុការណ៍បានឲ្យដឹងថា មុនកើតហេតុគេបានឃើញអ្នកបើករថយន្តនិងម៉ូតូបើកក្នុងទិសដៅបញ្រ្ចាស់ទិសគ្នាលុះមកដល់កន្លែងកើតហេតុស្រាប់តែរថយន្តមកបុកម៉ូតូពេញទំហឹងតែម្តង។ហើយករណីនេះដែរក្រោយកើតហេតុសមត្ថកិច្ចនគរបាលបានចុះទៅធ្វើចរាចរណ៍វាស់វែងនិងធ្វើកំណត់ហេតុតាមនិតិវិធីចំណែករថយន្តនិងម៉ូតូបង្កហេតុត្រូវបានយកមករក្សារទុកនៅកន្លែងអធិការដ្ឋានរងចាំដោះស្រាយគ្នាតាមក្រោយ៕វណ្ណះ