ភ្នំពេញ ៖ បុរសម្នាក់បានរងរបួសធ្ងន់ដោយបែកគ្រាប់ភ្នែកខាងឆ្វេងគួរឲ្យរន្ធត់ខណៈដែរបុរសរូបនេះកំពុងតែ ដើរថ្មើរជើង ត្រូវជនមិនស្គាល់មុខ លួចបាញ់ចំពាមកៅស៊ូ រត់គេចខ្លួនបាត់   ហើយមិនដឹងថា ជារឿងគំនុំ ឬជារឿងអ្វីនោះទេ ។

ករណីខាងលើនេះ បានកើតឡើងកាលពីវេលាម៉ោង ៣ទៀបភ្លឺ ថ្ងៃទី១៧ ខែកក្កដា ឆ្នាំ២០១៥ នៅចំណុចមុខសាលាពេទ្យ តាមផ្លូវលេខ១០៦ កែងផ្លូវព្រះមុន្នីវង្ស ស្ថិតក្នុងសង្កាត់ស្រះចក ខណ្ឌដូនពេញ។

តាមសាក្សីនៅកន្លែងកើតហេតុ បានឲ្យដឹងថា បុរសរងគ្រោះមិនត្រូវបានស្គាល់ឈ្មោះ គ្រាន់តែដឹងថា ជាអ្នកខាត់សារ៉ាស្បែកជើង ហើយនៅមុនពេលកើតហេតុ គឺរូបគាត់ បានធ្វើដំណើរថ្មើរជើង មកពីខាងក្រោយ អាគារកាណាឌីយ៉ា លុះដើរមកដល់ចំណុចកើតហេតុ ស្រាប់តែមិនដឹងមានរឿងអ្វីនោះទេ ក៏មានជនមិនស្គាល់មុខ បានធ្វើសកម្មភាពលួចបាញ់ចំពាមកៅស៊ូបណ្តាលឲ្យចំភ្នែកខាងឆ្វេងបៀមគ្រាប់ជាប់ទៅនឹងភ្នែកគួរឲ្យរន្ធត់រួចជនបង្កគេចខ្លួនបាត់ស្រមោលនិងបង្កឲ្យមានការភ្ញាក់ផ្អើលដល់សមត្ថកិច្ចតែម្តង ។

ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យកាល់ម៉ែត្រផងដែរ ៕ស ដារ៉ា