ភ្នំពេញ ៖ បុរសម្នាក់បុរសម្នាក់ជំនាញខាងឆបោកម៉ូតូយកទៅបញ្ចាំត្រូវបាននគរបាលឃាត់ខ្លួនបន្ទាប់ពីរួបគេ ខ្ចីម៉ូតូ ពីអ្នកស្គាល់គ្នាពីសង្កាត់ស្នោ ហើយព្យាយាមគេចខ្លួន មិនទទួលខុសត្រូវ ម្ចាស់ រកឃើញមុខ សង្ងំលាក់ខ្លួនពួនក្នុងផ្ទះ ។
ហេតុការណ៍ខាងលើកើតឡើងកាលពីវេលាម៉ោង៦និង៤៥នាទីព្រលប់ថ្ងៃទី០៩ ខែមីនា ឆ្នាំ២០១៦ ស្ថិតនៅផ្ទះជនល្មើស ភូមិស្រែរាជ្ជៈ សង្កាត់សំរោងក្រោម ខណ្ឌពោធិ៍សែនជ័យ ។
ជនសង្ស័យ ដែលជាប់ងារខាងដើរឆបោក យកម៉ូតូ របស់ប្រជាពលរដ្ឋស្គាល់គ្នា យកទៅបញ្ចាំ មានឈ្មោះ ស៊ុន ឈៀង ភេទប្រុស អាយុ២៤ឆ្នាំ មុខរបរ មិនពិតប្រាកដ មានទីលំនៅភូមិស្រែរាជ្ជៈ សង្កាត់សំរោងក្រោម ខណ្ឌពោធិ៍សែនជ័យ ។
នគរបាលបានឲ្យដឹងថា ជនសង្ស័យខាងលើ សកម្មខាង ដើរឆបោក យកម៉ូតូពីអ្នកក្នុងភូមិ និងអ្នកក្រៅភូមិ ទីបំផុត ត្រូវបានបងប្អូនប្រជាពលរដ្ឋ ជាជនរងគ្រោះប្រទះឃើញមុខចាប់ឃាត់ខ្លួនប្រគល់ឲ្យនគរបាល ដោះស្រាយទៅតាមច្បាប់ ។
ប្រភពពីប្រជាពលរដ្ឋបានឲ្យដឹងថា ជនសង្ស័យរូបនេះ បង្កបញ្ហាក្នុងស្រុក ក្នុងភូមិ ធ្វើឲ្យភ័យខ្លាចគ្រប់គ្នានូវទង្វើររបស់គេ កន្លងមក តែនៅតែមានអ្នករងគ្រោះ កាលបើខ្ចីម៉ូតូគេហើយ ច្បាស់ជាជិះយកទៅបញ្ចាំបាត់ បើតាមបណ្តឹង សរុបចំនួន៧គ្រឿង រួចមកហើយ ចុងក្រោយ សុីដាច់ម៉ូតូ ម៉ាកហុងដាគុបជ្រុង១គ្រឿង ពីអ្នកស្គាល់គ្នា នៅសង្កាត់ស្នោ ខណ្ឌពោធិ៍សែនជ័យ យកទៅបញ្ចាំបាត់ហើយ គេចខ្លួនមកសង្ងំនៅផ្ទះ ត្រូវបានម្ចាស់ តាមស្វែងរក ប្រទះឃើញ ប្តឹងនគរបាលចាប់ឃាត់ខ្លួនតែម្តង ។
បច្ចុប្បន្នជនសង្ស័យ កំពុងធ្វើការសាកសួរនៅ ប៉ុស្តិ៍នគរបាលស្នោ ដើម្បីកសាងសំណុំរឿង បញ្ជូនខ្លួនទៅផ្នែកជំនាញ អធិការដ្ឋាននគរបាលខណ្ឌពោធិ៍សែនជ័យ ដោះស្រាយតាមផ្លូវច្បាប់ ៕ សុខាសែនជ័យ
