កណ្តាល៖ ស្រ្តីជនជាតិខ្មែរអិស្លាមម្នាក់ឈ្មោះ សុះ រ៉ អាយុ៥០ឆ្នាំ មុខរបររកសុីលក់ត្រី ស្នាក់នៅបច្ចុប្បន្ននៅភូមិជ្រោយមេត្រីលើឃុំឬស្សីជ្រោយស្រុកមុខកំពូលខេត្តកណ្តាល ត្រូវបានក្រុមចោរប្លន់យកកាំបិទភ្ជុងយកម៉ូតូសង់កូរ៉េ១គ្រឿងទៅបាត់ខណៈរូបគាត់ដឹកត្រីដើលក់តាមភូមិ។
ហេតុការណ៏នេះកើតឡើងកាលពីវេលាម៉ោង៩និង៣០នាទីព្រឹកថ្ងៃទី១២ ខែមីនា ឆ្នាំ២០១៦ នៅចំណុចផ្លូវលំឋិតក្នុងភូមិកោះរការ ឃុំព្រែកអញ្ចាញ ស្រុកមុខកំពូល ។
ស្ត្រីខ្មែរអិស្លាមរូបនោះបានប្រាប់អ្នកយកព័ត៌មានយើងថា រូបគាត់ជាស្រ្តីមេម៉ាយមានកូន៣នាក់មានមុខរបរទិញត្រីដើលក់តាមភូមិដឹកតាមម៉ូតូមិនដែលខានថ្ងៃណានោះទេ ស្រាប់តែនៅថ្ងៃកើតហេតុរូបគាត់បានដឹកត្រីទៅលក់នៅភូមិឈើទាលពេលត្រឡប់មកវិញក៏ជួបនិងជនសង្សយ័ ស្លៀពាក់សុីលមានគ្នា៣នាក់បានហៅម៉ូតូឲ្យឈប់រូបគាត់និកស្មានថា គេហៅទិញត្រីក៏ឈប់ ភ្លាមនោះមានជនសង្ស័យម្នាក់ក្នុងចំណោម៣នាក់បានយកកាំបិទចុងស្រួចមកភ្ជុងបំពង់ក ហើយគំរាមឲ្យចុះពីលើម៉ូតូដំបូងរូបគាត់មិនចង់ឲ្យទេតែដោយខ្លាចពួកវាចាក់សម្លាប់ក៏ឲ្យសោរម៉ូតូទៅពួកវាតាមសម្រួលពេលបានសោរម៉ូតូហើយវាក៏កាត់លង្គ័ត្រីទម្លាក់ចោលហើយពួកវានាំគ្នាជិះម៉ូតូចេញទៅបាត់។ដោយផ្លូវនៅទីនោះស្ងាត់គ្មានមនុស្សស្រែកឲ្យគេជួយគាត់ក៏ទូលលង្គ័ត្រីត្រឡប់មកផ្ទះ វិញដោយមិនបានទៅដាក់ពាក្យបណ្តឹងនៅនគរបាលប៉ុស្តិនោះទេ។ដោយគាត់គិតថាម៉ូតូមិនជាថ្លៃប៉ុន្មានគឺមានតម្លៃ៣រយដុល្លារប៉ុណ្ណោះ។ ពេលអស់ម៉ូតូមួយគ្រឿងនេះគាត់គ្មានអ្វីរកសុីទៀតទេ តែឥឡូវរូបគាត់បានខ្ចីកង់គេជិះដឹកត្រីលក់បន្ត៕ ឡូ សំអាត
