ខេត្តត្បូងឃ្មុំ៖ ជនសង្ស័យជាមុខសញ្ញាចាស់ ជួញដូរគ្រឿងញឿនដុះស្លែក្នុងមូលដ្ឋាន ដែលធ្លាប់ជាប់គុកជាច្រើន លើក ត្រូវបានសមត្ថកិច្ចនគរបាលស្រុកត្បូងឃ្មុំ ចាប់ឃាត់ខ្លួនពីបទជួញដូរគ្រឿងញឿនដដែល។ ការចាប់ឃាត់ខ្លួនជនសង្ស័យខាងលើនេះបានធ្វើឡើងកាលពីវេលាម៉ោង៦ ល្ងាច ថ្ងៃទី១៧ ខែកក្កដា ឆ្នាំ២០១៥ ស្ថិតនៅចំណុចផ្ទះជួសជុលម៉ូតូ របស់ឈ្មោះឈឿន ក្នុងនៅភូមិ ស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ។ លោក វរសេនីយ៍ត្រី ឡុង សារិន អធិការរងស្រុកត្បូងឃ្មុំបានបញ្ជាក់ឲថា ជនសង្ស័យឈ្មោះ គា ឆៃហ៊ត់ អាយុ ៣២ ឆ្នាំនៅភូមិ ជៀសទី១ ឃុំថ្មពេជ្រ ស្រុក- ខេត្តត្បូងឃ្មុំ គឺជាមុខសញ្ញាចាស់ ក្នុងការជួញដូរគ្រឿងញឿន យ៉ាងសកម្មក្នុងមូលដ្ឋាន និងធ្លាប់ជាប់គុកជាច្រើនលើកមកហើយ។ លោក បានបន្តឲដឹងទៀតថា វត្ថុតាងរឹបអូសបានរួមមានថ្នាំញឿន ជាង១០ កញ្ចប់ ទូរសព្ទចំនួន៣គ្រឿង និងម៉ូតូ ធំមួយគ្រឿង។ បច្ចុប្បន្នកម្លាំងសមត្ថកិច្ចជំនាញអធិការដ្ឋាន នគរបាលស្រុកត្បូងឃ្មុំកំពង់បំពេញសំណុំរឿងបញ្ជូនខ្លួនជនសង្ស័យនិងវត្ថុតាង ទៅតុលាការខេត្តកំពង់ចាមដើម្បីចាត់ការតាមនីតិវិធី៕ វណ្ណះ
