អាជ្ញាធរក្នុងតំបន់បានបញ្ជាក់ថា ភ្លើងឆេះព្រៃដែលមានល្បឿនឆេះរាលយ៉ាងឆាប់រហ័សមួយបានឆ្លងកាត់ផ្លូវជាតិនៅរដ្ឋលីលីហ្វ័រនីញ៉ាកាលពីទី១៧ ខែកក្កដា ឆ្នាំ២០១៥ បណ្តាលឲ្យឆេះរថយន្ត២០គ្រឿង ខណៈដែលអ្នកទេសចរណ៍របានរត់ចោលរថយន្តរបស់ពួកគេ ទៅរកទីសុវត្ថិភាពពី។ គ្មានសេចក្តីរាយការណ៍អំពីគ្រោះថ្នាក់ ឬបណ្តាលឲ្យបាត់បង់ជីវិតមនុស្សដោយសារតែភ្លើងឆេះព្រៃនេះទេ។ សេចក្តីរាយការណ៍បានបញ្ជាក់ថា ភ្លើងឆេះព្រៃគំរាមកំហែងតំបន់ភាគខាងត្បូងកាលីហ្វ័រនីញ៉ា ជាប់ជាមួយឡាស់វីហ្គាសដែលកកកុញទៅដោយរថយន្តចរាចរណ៍ឆ្លងកាត់។ រថយន្តជាច្រើនគ្រឿងត្រូវគេបោះបង់ចោលនៅពាក់កណ្តាលដោយម្ចាស់របស់វាបានរត់គេចយករួចខ្លួនទៅកាន់ទីសុវត្ថិភាព។ ជាមួយគ្នានេះដែរក៏មានការបាញ់ទឹកពន្លត់ពីលើឧទ្ធម្ភាគច្រកពីក្រុមពន្លត់អគ្គិភ័យផងដែរ ប៉ុន្តែហាក់គ្មានសមត្ថភាពគ្រប់គ្រាន់នៅក្នុងការទប់ស្កាត់ភ្លើងកុំឲ្យឆេះរាលក្នុងទ្រង់ទ្រាយធំ និងឆាប់រហ័សនោះឡើយ។ អ្នកធ្វើដំណើរតាមម៉ូតូនៅតាមផ្លូវជាតិដែលត្រូវភ្លើងឆេះព្រៃ ឆេះរាលឆ្លងកាត់នោះក៏បានឈប់សំចតនាំគ្នាឈរមើលភ្លើងឆេះព្រៃស្ថិតនៅចម្ងាយឆ្ងាយនោះដែរ។ បុរសម្នាក់ឈ្មោះ Chris Patterson អាយុ៤៣ឆ្នាំ បាននិយាយថា ពិតជារឿងល្ងីល្ងើឆ្កួតលីលាដែលឈរមើលឃើញផ្សែងពណ៌ខ្មៅ និងពពកពណ៌សនៅលើលំហអាកាស។ វាហាក់ដូចជាមានភ្លើងឆាបឆេះនៅក្រោយខ្នងយើងអីចឹងដែរ។ អ្នកនាំពាក្យគ្រប់គ្រងព្រៃឈើអាមេរិក លោក spokesman Uriah Hernandez បានបញ្ជាក់ថា មិនទាន់មានសេចក្តីរាយការណ៍ថា មានអ្នករងរបួសដោយសារតែភ្លើងឆេះព្រៃនេះនៅឡើយទេ។ តំបន់ខ្លះត្រូវកម្លាំងសង្គ្រោះជួយជម្លៀសពលរដ្ឋទៅរកទីសុវត្ថិភាពស្ថិតនៅតំបន់ Cajon Pass ស្ថិតនៅចម្ងាយ៨៨គីឡូម៉ែត្រភាគឦសានរដ្ឋ ឡូស អេនចឺឡេស ។ ភ្លើងឆេះព្រៃនេះផងដែរធ្វើឲ្យអាជ្ញាធរបង្ខំចិត្តបិតផ្លូវជាច្រើនខ្សែ នាំឲ្យមានការកកស្ទះចរាចរណ៍ជាខ្លាំង។ អ្នកនាំពាក្យប៉ូលិសល្បាតនៅផ្លូវហាយវែនៅកាលីហ្វ័រនីញ៉ា លោក Steve Carapia បានបញ្ជាក់ថា រថយន្តពី៥០គ្រឿងទៅ៧០គ្រឿងត្រូវម្ចាស់បោះបង់ចោលនៅកណ្តាលផ្លូវ ហើយចុះរត់គេចពីការគំរាមកំហែងដោយភ្លើងឆេះព្រៃនេះ៕
