ភ្នំពេញ ៖ ដើម្បីរកធនធានកីឡាករ កីឡាការិនីដែលស្ថិតនៅក្នុងកម្រិតមធ្យម សិក្សាសម្រាប់បណ្ដុះបណ្ដាលជំនាញ កីឡាអត្ដពលកម្មលើវិញ្ញាសាមួយចំនួនក្នុងចំណោមវិញ្ញាសាកីឡាអត្ដពលកម្មជាង៣០វិញ្ញាសាទុកត្រៀមបញ្ជូនឱ្យ ចេញទៅប្រកួតនៅប្រទេសថៃនាអំឡុង ខែកក្ដដា ឆ្នាំ២០១៦ខាងមុខ ។
ប្រភពព័ត៌មានពីគណៈកម្មការវាយតម្លៃនិងជ្រើសរើសអត្ដពលិកអាយុ ក្រោម១៧ឆ្នាំរបស់សហព័ន្ធកីឡាអត្ដ ពលកម្មបានបង្ហើបឱ្យដឹងថា គណៈកម្ម ការបានសម្លឹងឃើញយុវជន៤នាក់ ហើយបន្ទាប់ពីតាមសង្កេតអស់មួយ រយៈក្នុងកម្មវិធីប្រកួតកីឡាជ្រើសរើស ជើងឯករាជធានីភ្នំពេញចាប់ពីថ្ងៃទី៦ ដល់ថ្ងៃទី១៦ ខែមីនា ឆ្នាំ២០១៦ ។
ប្រភពព័ត៌មានខាងលើបានបន្ដទៀតថា ក្រោយពីធ្វើការសង្កេតរួចគណៈកម្ម ការវាយតម្លៃរកបានកីឡាករ២នាក់ទី១-ឈ្មោះ ឃ្លាំង បេប៉ុណ្ណារ៉ា លេងវិញ្ញាសា រត់ចម្ងាយ៥គីឡូម៉ែត្រក្នុងកម្មវិធីប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញដែលគេធ្វើបាន សម្រេចក្នុងថិរវេលាចន្លោះពី២១នាទី ។ ចំណែកឯកីឡាករ សាត ឧត្ដម រត់ចម្ងាយ ៥គីឡូម៉ែត្រធ្វើបានសម្រេចក្នុងថិរវេលា ១៩នាទី៥៣វិនាទី៧៧ ។
ជុំវិញប្រភពព័ត៌មានខាងលើលោក ប៉ែន វុទ្ធី អគ្គលេខាធិការសហព័ន្ធកីឡា អត្ដពលកម្មខ្មែរស្ម័គ្រចិត្ដបានប្រាប់ឱ្យ ដឹងថាចំពោះការជ្រើសរើសយុវជន ដែលជាសិស្សវិទ្យាល័យយកមកបណ្ដុះ បណ្ដាលត្រៀមចេញទៅប្រកួតក្នុងព្រឹត្ដិ ការណ៍កីឡាអត្ដពលកម្មសិស្សវិទ្យាល័យលើកទី៨នៅខេត្ដឈៀងម៉ៃប្រទេសថៃ មិនទាន់យកជាផ្លូវការទេ ។
លោកបានបញ្ជាក់ថា ដំណាក់កាល នេះយើងគ្រាន់តែជ្រើសរើសវិញ្ញាសា សម្រាប់ដាក់ឱ្យកីឡាករកីឡាការិនីហ្វឹកហាត់សិនដោយឡែកសមាសភាពអត្ដ ពលិកមិនទាន់សម្រេចជាផ្លូវការទេ ព្រោះរង់ចាំឆ្លងកាត់ការប្រជុំពីក្រុម គណៈកម្មការវាយតម្លៃនិងគ្រូបង្វឹកទើបសម្រេចថាកីឡាករកីឡាការិនីរូបណាខ្លះ ដែលជាបេក្ខភាពហ្វឹកហាត់ត្រៀមចេញទៅប្រកួតនៅប្រទេសថៃតំណាងឱ្យព្រះរាជាណាចក្រកម្ពុជា ៕ សារីម
