ខេត្តកំពង់ចាម៖ កាកបាទក្រហមកម្ពុជាសាខាខេត្តកំពង់ចាម បានសហការជាមួយមន្ទីរអប់រំយុវជន និងកីឡាខេត្ត បានរៀបចំការប្រឡងគំនូរកុមារអំពីសកម្មភាពចម្រុះវិស័យ កាកបាទក្រហមកម្ពុជាដើម្បីអបអរសាទរ ខួបទី១៥៣ ទិវាពិភពលោក កាកបាទក្រហម អឌ្ឍចន្ទក្រហម ៨ឧសភា ២០១៦ខាងមុខនេះ។

បន្ទាប់ពីធ្វើការវាយតម្លៃពីគណៈកម្មការប្រឡងគំនូរ គេបានជ្រើសរើសបានគំនូរដែលទទួលបានជ័យលាភីលេខ១ គឺកុមារី ស៊ា សុប្រភក្រ ថ្នាក់ទី៥ខ នៅសាលាបឋមសិក្សាវាលវង់ លេខ២ កុមារី រស្មី សាយ ចន្ទី ថ្នាក់ទី៥ក នៅសាលាបឋមសិក្សារាយប៉ាយ និង លេខ៣ កុមាររី ភ័នសុគន្ធ លីណា ថ្នាក់ទី៥ក នៅសាលាបឋមសិក្សាសំបួរមាស។

កុមារីដែលទទួលបានជ័យលាភី ទទួលបានរង្វាន់លើកទឹកចិត្តជាច្រើនផងដែរ៕ សុខ ខេមរា