អតីតមេដឹកនាំថៃទាំងលោក ថាក់ ស៊ីន ស៊ីណាវ៉ាត្រា និងលោក អាប់ភីស៊ីត វេចាជីវ៉ា បានបង្ហាញការព្រួយបារម្ភដូច គ្នាពីការកាន់អំណាចមិនព្រមចុះចេញនិង មិនព្រមរៀបចំការបោះឆ្នោតឱ្យបានឆាប់ បំផុតទៅតាមអ្វីដែលពលរដ្ឋថៃចង់បាន ។
អ្វីដែលគេចាប់អារម្មណ៍នោះលោកអាប់ភីស៊ីត វេចាជីវ៉ា អតីតនាយករដ្ឋមន្ដ្រី ដែលធ្លាប់គាំទ្រក្រុមយោធាក្នុងការទម្លាក់ លោកស្រីនាយករដ្ឋមន្ដ្រី យីងឡាក់ ស៊ី ណាវ៉ាត្រា ក៏ហ៊ានចេញមុខរិះគន់របប សឹកដែរដោយនិយាយថា រដ្ឋាភិបាល របស់លោក ចាន់អូចា បរាជ័យមិន បានធ្វើកំណែទម្រង់សេដ្ឋកិច្ច ហើយនិង បរាជ័យមិនអាចផ្សះផ្សាការបែកបាក់ នយោបាយនៅក្នុងប្រទេសថៃបាន ។
ក្នុងរយៈពេលប៉ុន្មានសបា្ដហ៍ចុងក្រោយ នេះលោក ថាក់ស៊ីន ស៊ីណាវ៉ាត្រា ក៏បាន ចាប់ផ្ដើមចេញមុខសាជាថ្មីឡើងវិញ ដោយបានផ្ដល់បទសម្ភាសន៍ដល់អ្នកសារ ព័ត៌មាននៅប្រទេសសិង្ហបុរី និងចេញ មុខថ្លែងការណ៍នៅក្នុងវេទិកានយោបាយមួយនៅក្នុងទីក្រុងញូវយ៉កកាលពីថ្ងៃពុធកន្លងទៅ។ នៅក្នុងបទសម្ភាសន៍ជាមួយ ទីភ្នាក់ងារព័ត៌មានអាអែហ្វប៉េពីទីក្រុងញូវយ៉ក លោកអតីតនាយករដ្ឋមន្ដ្រីថៃ បានលើកឡើងថា លោកមិនជឿលើពាក្យ សន្យារបស់មេដឹកនាំរបបសឹកដែលថានឹងរៀបចំការបោះឆ្នោតនៅឆ្នាំ២០១៧ ដើម្បីផ្ទេរអំណាចទៅឱ្យរដ្ឋាភិបាលស៊ីវិល វិញនោះទេ។ សម្រាប់លោក ថាក់ស៊ីន រាល់សកម្មភាពដែលមេដឹកនាំរបបសឹក កំពុងធ្វើនៅពេលនេះគឺបង្ហាញឱ្យឃើញថា ពួកគេមានគម្រោងក្រាញអំណាច ក្នុងរយៈពេលវែងតទៅមុខទៀត។ ឆ្លើយ តបទៅនឹងសំណួរថា តើលោកចង់វិល ត្រឡប់ចូលទៅប្រឡូកក្នុងឆាកនយោបាយ ក្នុងប្រទេសថៃវិញដែរឬអត់នោះ? លោក ថាក់ស៊ីន បានលើកឡើងថា លោកមិន ច្រានចោលទាំងស្រុងនូវលទ្ធភាពនេះទេ តែ ក្នុងពេលជាមួយគ្នានេះលោកបានបន្ថែម ថា នៅពេលនេះលោកមានវ័យ៦៧ឆ្នាំ ទៅហើយ ដូច្នេះលោកចង់រស់នៅក្នុង ជីវភាពសាមញ្ញធម្មតាដោយសុខស្រួលហើយគ្មានមហិច្ឆតាចង់វិលត្រឡប់ទៅ ធ្វើជានាយករដ្ឋមន្ដ្រីវិញនោះទេ ។
