ភ្នំពេញ៖ លោកស្រីអគ្គលេខាធិការរងទី១ កាកបាទក្រហមកម្ពុជា និងក្រុមការងារ បានចុះសួរសុខទុក្ខ និងយកអំណោយមនុស្សធម៌ ជូនដល់ លោក នូ សារុំ ហៅនាយក្រៀវ ជាអតីតតារាកំប្លែងតាំងពីឆ្នាំ១៩៨៧ ដែលមានជំងឺលើសឈាមស្លាប់មួយជំហៀងខ្លួនអស់រយៈពេល៥ខែមកហើយ រស់នៅ សង្កាត់ច្បារអំពៅ ២ ខណ្ឌច្បារអំពៅ រាជធានីភ្នំពេញ ។

លោកស្រីអគ្គលេខាធិការរង បានពាំនាំប្រសាសន៍ផ្តាំផ្ញើររបស់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សាកសួរសុខទុក្ខ លោក នូ សារុំ និងក្រុមគ្រួសារ ។

អំណោយប្រគល់ជូនរួមមាន អង្ករ១០០គីឡូក្រាម, មី៤កេស, ត្រីខ ៤០កំប៉ុង, ឃីត១ (សារុង មុង ភួយ ក្រមា), ទឹកដោះគោឆៅ២ឡូ, ទឹកផ្លែឈើ២កេស, ទឹកក្រូច១កេស, ទឹកសុទ្ធ៤កេស, និងថិវកាមួយចំនួន ៕ សុខ ខេមរា