ខេត្តតាកែវ÷ដោយយោងតាមពាក្យបណ្តឹងរបស់ស្រ្តីរងគ្រោះ សមត្ថកិច្ចនគរបាលព្រហ្មទណ្ឌស្រុកត្រាំកក់បាន
ចាប់ខ្លួនជនសង្ស័យម្នាក់កាលពីរសៀលថ្ងៃទី១ ខែកក្កដា ឆ្នាំ២០២១ ស្ថិតនៅចំណុចភូមិទួលខ្លុង ឃុំអូសារាយ ស្រុកត្រាំកក់ ខេត្តតាកែវ បន្ទាប់ពីចូលទៅលួចម៉ាស៊ីនបូមទឹកនិងគ្រឿងបន្លាស់គ្រឿងចក្របម្រុងយកទៅលក់។
មន្រ្តីនគរបាលព្រហ្មទណ្ឌស្រុកត្រាំកក់បានឲ្យដឹងថា ជនសង្ស័យ ឈ្មោះ គឺម សុភាស់ ភេទប្រុស អាយុ៣២ឆ្នាំ ទីលំនៅភូមិត្រពាំងភ្លូ ឃុំអូរសារ៉ាយ ស្រុកត្រាំកក់។ាលពីយប់ថ្ងៃទី១ខែកក្កដានេះ ជននេះ បានធ្វើសកម្មភាព ចូលទៅលួចយក ម៉ាស៊ីនបូមទឹក, កង់ដែកគោយន្ត, ផាលគោយន្ត របស់ឈ្មោះ ឌុំ ស្រីនាង ភេទស្រី អាយុ២៧ឆ្នាំ ដែលរស់នៅភូមិ ឃុំជាមួយជនសង្ស័យដែរ។បន្ទាប់មកជនរងគ្របាដាក់ពាក្យបណ្តឹង ហើយសមត្ថកិច្ចជំនាញរបស់ស្រុកក៏ស្រាវជ្រាវដឹងតាមចាប់ជនសង្ស័យនិងរឹបអូសវត្ថុតាងមកប្រគល់ឲ្យម្ចាស់វិញ។
ប្រភពដដែលបានឲ្យដឹងទៀតថាក្រោយពីនគរបាលស្រុក បានសាកសួរជនសង្ស័យរួចហើយៗ គេបានសារភាពហើយនោះក៏បានកសាងសំណុំរឿង និងបញ្ជូនជនសង្ស័យ ទៅតុលាការ ដើម្បីចាត់ការតាមច្បាប់៕
ដោយ÷ប្រាថ្នា
