ទន្ទឹមនឹងនេះ សូមរៀមច្បងអធិរាជ Facebook មេត្តាយោគយល់ផង ព្រោះថា Facebook របស់ខ្ញុំគឺមិនមែនដើម្បីប្រកួតប្រជែងយកប្រជាប្រីយភាពជាមួយអ្នកណាឡើយ ហើយខ្ញុំក៏គ្មានឥទ្ឋិពលយកសារ៉ុង ឬប៊ីចេងទៅដូរ ឬទៅទិញ Likes ពីឥណ្ឌាបានដែរ។ ក្រុមហ៊ុនហ្វេសប៊ុគគឺគេមានក្រិតក្រម (Policy) ច្បាស់ លាស់ណាស់ ហើយវារិតតែខុសទៅទៀតនៅពេលដែលចោទខ្ញុំថាបានបញ្ជាអោយបង្កើត Account មិនពិត (Fake Accounts) មក Likes ទំព័រខ្ញុំ នេះគឺគួរអោយអស់សំណើច។ បើល្ងង់មិនចេះលេង Facebook មកសួរខ្ញុំក៏បាន។ បើអ្នកចេះប្រើគឺគេដឹងច្បាស់ណាស់ថា Facebook របស់ខ្ញុំគឺកំពុងពេញនិយមបំផុត សូមបីតែ Post Likes ខ្ញុំម្តងៗគឺបានរាប់ម៉ឺន។ ថ្មីៗនេះ សូម្បីតែខ្ញុំបង្ហោះរូបភរិយាខ្ញុំរែកទឹកត្នោតក៏ទទួលបានការគាំទ្រជាង ១០ម៉ឺន Likes ដែរ។ តែបើមិនសុខចិត្តទេ ទៅតវ៉ាជាមួយក្រុមហ៊ុន Facebook ទៅ។ តែចំពោះខ្ញុំគឺសប្បាយចិត្ត និងមានមោទនៈភាពដែលមានទាំងពលរដ្ឋខ្មែរក្នុងប្រទេស និងបរទេសស្រឡាញ់ចូលចិត្តគាំទ្រ (Likes) ទំព័រ Facebook ខ្ញុំ។ ល្មមហើយ បើចាញ់ហើយ គឺត្រូវទទួលស្គាល់ថាចាញ់ទៅគឺវាគ្មានអ្វីអន់ទេ!

សូមជូនពរជនរួមជាតិទូទាំងប្រទេសជួបតែសំណាងល្អគ្រប់គ្នា ហើយសូមអរគុណដែលបាន Likes ទំព័រ Facebook ខ្ញុំ ៕

ដោយ៖ សុវណ្ណារ៉ា