ខេត្តពោធិ៍សាត់៖ យ៉ាងហោចមនុស្សប្រុសស្រីចំនួន៧នាក់បានរងរបួសធ្ងន់ស្រាលនៅក្នុងឧប្បត្តិហេតុគ្រោះថ្នាក់ចរាចរណ៏រវាងរថយន្តបុករថយន្តនៅស្រុកបាកាន។
ហេតុការណ៏នេះបានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី១៩ ខែមីនា ឆ្នាំ២០១៦ នៅលើកំណាត់ផ្លូវជាតិលេខ៥ ត្រង់ចន្លោះបង្គោលគីឡូម៉ែត្រលេខ២១២+២១៣ ស្ថិតក្នុងភូមិច្រេស ឃុំបឹងខ្នារ ស្រុកបាកាន ខេត្តពោធិ៍សាត់។
ប្រភពនានាជុំវិញកន្លែងកើតហេតុនិយាយថាគេឃើញរថយន្ត១គ្រឿងម៉ាកកាមរីបាឡែនពណ៏ទឹកប្រាក់ពាក់ស្លាកលេខ ភ្នំពេញ ២ AC ០០២៩ ធ្វើដំណើរក្នុងទិសដៅពីលិចទៅកើត លុះមកដល់ចំណុចខាងលើបានបុកជាមួយរថយន្តមួយគ្រឿងទៀត ម៉ាកតូយូតាពីកឹប ពណ៏ទឹកប្រាក់ពាក់ស្លាកលេខ ២V ៣៧៩២ ខណៈកំពុងធ្វើដំណើរបញ្រ្ចាស់ទិសគ្នា ពីកើតទៅលិច បណ្ដាលឲ្យរថយន្តបាឡែនធ្លាក់ចូលទៅក្នុងស្រែ រងការខូចខាតរថយន្តទាំងសង្ខាងយ៉ាងដំណំនិងរងរបួសធ្ងន់ស្រាលដូចគ្នា។
ប្រភពពត៌មានពីសមត្ថកិច្ចបានឲ្យដឹងដែរថាអ្នកបើកបរខាងភាគីរថយន្តត្រូវបានគេស្គាល់ឈ្មោះ ងួន តុងហាន់ ភេទប្រុសអាយុ២៨ឆ្នាំ រស់នៅភូមិ សង្កាត់ ក្រុង ខេត្តបាត់ដំបង(របួសស្រាល)និងអ្នករួមដំណើរ២នាក់ទៀត ទី១ឈ្មោះ ងួន ចាន់រី ភេទប្រុសអាយុ២៥ ឆ្នាំ(របួសធ្ងន់)ទី២ឈ្មោះ ងួន អាង ភេទប្រុសអាយុ២៣ ឆ្នាំ (របួសស្រាល)អ្នកទាំង២រស់នៅជាមួយគ្នានិងអ្នកបើកបរ។ ចំណែកអ្នកបើកបរខាងភាគីរថយន្តពីកឹបឈ្មោះ សុខ កាក់និកា ភេទប្រុសអាយុ៤៤ឆ្នាំ រស់នៅភូមិចម្ការលើ ឃុំបឹងខ្នារ ស្រុកបាកាន ខេត្តពោធិ៍សាត់(របួសស្រាល)និងអ្នករួមដំណើរ៣នាក់ទៀតទី១ឈ្មោះ ទត ភីរុម អាយុ៣៣ឆ្នាំ ត្រូវជាប្រពន្ធអ្នកបើកបរ(របួសស្រាល)ទីឈ្មើ ឈុង ធី ភេទប្រុសអាយុ៤៦ឆ្នាំ រស់នៅភូមិវត្តជ្រៃ ឃុំបឹងខ្នារ ស្រុកបាកាន(របួសធ្ងន់)និងទី៣ឈ្មោះ យឿទ ធា ភេទស្រីអាយុ៤២ឆ្នាំ រស់នៅភូមិវត្តជ្រែជាមួយគ្នា(របួសធ្ងន់)។ ប្រភពបន្តទៀតថាចំពោះជនរងរបួសទាំងអស់ត្រូវបានគេបញ្ជុនទៅសង្រ្គោះនៅមន្ទីរពេទ្យបង្អែកស្រុកបាកានភ្លាមៗផងដែរ ហើយវត្ថុតាងរថយន្តទាំងពីរគ្រឿងសមត្ថកិច្ចនគរបាលការិយាល័យជំនាញនៃស្នងការដ្ឋាននគរបាលខេត្តយកទៅរក្សាទុករងចាំធ្វើការវាស់វែងដោះស្រាយគ្នាតាមនិតិវិធី។