ភ្នំពេញ៖ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះភ្លាមៗខណៈជិះម៉ូតូលឿនមិនប្រយ័ត្នជ្រុលបុករថយន្តកំពុងឈប់ចាំស្តុកពេញទំហឹង កាលពីវេលាម៉ោង៣និង២០នាទីរសៀល ថ្ងៃទី១៥ ខែកក្កដា ឆ្នាំ២០២១ នៅចំណុចស្តុបមុខអាកាសយានដ្ឋានអន្តរជាតិភ្នំពេញ តាមបណ្តោយមហាវិថីសហព័ន្ធរុស្ស៊ី ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមសម្តីម្ចាស់រថយន្តបានឱ្យដឹងថា មុនពេលកេីតហេតុរូបគាត់បានបេីករថយន្តម៉ាកCRV ពណ៌ស ពាក់ស្លាកលេខភ្នំពេញ2BE 3546 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីតខណះមកដល់ចំណុចកេីតហេតុដោយសារភ្លេីងស្តុបពណ៌ក្រហម គាត់ក៏ឈប់រងចាំ ភ្លាមនោះស្រាប់តែមានបុរសម្នាក់ជិះម៉ូតូវីវ៉ា ពណ៌ក្រហម ពាក់ស្លាកលេខភ្នំពេញ1BQ 2061 ធ្វេីដំណេីរមកពីក្រោយក្នុងល្បឿនលឿនជ្រុលបុកពីក្រោយពេញទំហឹងបណ្តាលឱ្យដួលបោកនឹងថ្នល់រងរបួសធ្ងន់ ចំណែករថយន្តនិងម៉ូតូរងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូនិងរថយន្តត្រូវបានសមត្ថកិច្ចចុះធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕
ដោយ៖ សុខាសែនជ័យ
