ភ្នំពេញ៖ នៅរសៀលថ្ងៃទី២១ មីនា ២០១៦នេះ លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស  និងសហប្រតិបត្តិការអន្តរជាតិ បានអនុញ្ញាតឲ្យតំណាងក្រុមកីឡាករបាល់ទាត់ Cambodia All Stars ដឹកនាំដោយលោក គល់ សុផាណា មកទទួលប្រាក់ឧបត្ថមចំនួន ១០,០០០ដុល្លារអាមេរិក (មួយម៉ឺនដុល្លារ)  ដើម្បីលើកទឹកចិត្តដល់ក្រុមកីឡាករកម្ពុជា ដែលបានយកជ៍យជំនះលើក្រុមកីឡាបាល់ទាត់ Lao All Stars ក្នុងឱកាសការប្រកួតមិត្តភាពអន្តរជាតិ អបអរសារទខួបលើកទី៦០ ឆ្នាំ នៃការបង្កើតទំនាក់ទំនងការទូតកម្ពុជា-ឡាវ កាលពីថ្ងៃទី១៨ មីនា ២០១៦ នៅពហុកីឡាដ្ឋានជាតិអូឡាំពិក ៕  សុខ ខេមរា