តាមការប្រកាសរបស់ប្រទេសអារ៉ាប់កាលពីថ្ងៃទី២០ ខែមីនា ក្រុមហ៊ុនអាកាសចរណ៍ Flydubai បានប្រកាសថា នឹងសងសំណង២ម៉ឺនដុល្លារ សម្រាប់គ្រួរសារដែលមានសាច់ញាតិស្លាប់នៅក្នុងហេតុការណ៍គ្រោះថ្នាក់យន្តហោះនៅរុស្ស៊ីកាលពីថ្ងៃទី១៩ ខែមីនា ។
ការផ្តល់នោះគ្រាន់តែជាការបណ្តោះអាសន្នប៉ុណ្ណោះសម្រាប់គ្រួសារ ដោះស្រាយសភាពការណ៍នៅចំពោះមុខ ដូចជារៀបចំពិធិបុណ្យសព ជាដើម ។
កាលពីថ្ងៃទី១៩ ខែមីនា យន្តហោះប៊ូអីង៧៣៨ របស់ក្រុមហ៊ុនអាកាសចរណ៍ Flydubai បានធ្លាក់នៅអាកាសយានដ្ឋានទីក្រុង Rostov on Don ពេលកំពុងចុះចតធ្វើឲ្យអ្នកដំណើរនិងក្រុមអាកាសយានិកទាំង៦២នាក់ស្លាប់ទាំងអស់ ជនរងគ្រោះភាគច្រើនជាជនជាតិរុស្ស៊ី។
ក្រុមអ្នកឯកទេសតាមដានអាកាសធាតុបានឲ្យដឹងថា ខ្យល់ខ្លាំងជាមូលហេតុបណ្តាលឲ្យមានគ្រោះថ្នាក់ខាងលើកើតឡើង។ លោកEvgeny Tishkovets អ្នកឯកទេសអាកាសធាតុមកពីមជ្ឈមណ្ឌុល Fobos បានបញ្ជាក់ថា វាពិតជាគ្រោះថ្នាក់ពេលយន្តហោះចុះចត់ក្នុងស្ថានភាពខ្យល់ខ្លាំងខុសប្រក្រតីបែបនេះ។ នៅពេលដំបូងមុនចុះចត់ ខ្យល់ធម្មតាប៉ុណ្ណោះ ប៉ុន្តែពេលចុះស្រាប់តែជួប ខ្យល់ខ្លាំងចៃដន្យ មានល្បឿនខ្យល់រហូតដល់ទៅ១០០គីឡូមែត្រក្នុងមួយម៉ោងទើបមានគ្រោះថ្នាក់កើតឡើង ៕ ម៉ែវ សាធី
...
