ភ្នំពេញ៖ គណៈកម្មាធិការចម្រុះរបស់ សាលាខណ្ឌឫស្សីកែវដែលដឹងថា ដឹកនាំ ដោយលោកសន សោភ័ណ្ឌ នាយករដ្ឋ បាលស្ដីទីនិងលោកស្មាស់ រិទ្ធី ប្រធាន ការិយាល័យអន្ដរវិស័យ ព្រមទាំងមន្ដ្រី ក្រោមឱវាទជាច្រើនរូបទៀតបានចុះទៅ*ឃាត់ដីឡូត៍មួយកន្លែងដែលជារបស់ លោកឌឿន សុវណ្ណ ក្នុងគោលបំណងធ្វើ របងថ្មដែលស្ថិតនៅក្នុងតំបន់អភិវឌ្ឍន៍ (កំពុងស្ថិតនៅក្នុងអាជ្ញាធរជាតិដោះ ស្រាយវិវាទដីធ្លី) ។
គណៈកម្មាធិការចម្រុះរបស់ខណ្ឌ ឫស្សីបានចុះដល់ទីតាំងខាងលើនៅព្រឹក ថ្ងៃទី២២ ខែមីនា ឆ្នាំ២០១៦ ស្ថិតនៅ*ចំណុចភូមិស្ពានខ្ពស់តាមផ្លូវលេខ១៧០៣ សង្កាត់គីឡូម៉ែត្រលេខ៦ ខណ្ឌឫស្សីកែវ។
មន្ដ្រីដែលចុះអនុវត្ដកិច្ចការខាងលើ នេះបានឱ្យដឹងថា ការនាំកម្លាំងចុះធ្វើ ការហាមឃាត់នេះក្រោមការបញ្ជា របស់លោក ជា ពិសី អភិបាលនៃគណៈ អភិបាលខណ្ឌឫស្សីកែវ ហើយពេលចុះ មកដល់ទីតាំងខាងលើក្រុមការងារពិនិត្យ ឃើញថាលោកឌឿន សុវណ្ណ បានធ្វើការ វាយរបងបេតុងដែលមានការប៉ះពាល់ នោះចេញរួចហើយ ប៉ុន្ដែសំណង់ផ្ទះផ្ទាល់ ដីដែលប៉ះពាល់ដែលនោះពុំទាន់បាន វាយចេញទៅតាមគំនូសប្លង់របស់គណៈ កម្មាធិការចម្រុះខណ្ឌដែលបានចុះបាញ់ថ្នាំនៅឡើយទេ ហើយជាងនេះទៅទៀត លោកឌឿន សុវណ្ណ កំពុងបម្រុងនឹងធ្វើ របងថ្មីឡើងវិញ ដូច្នេះដើម្បីចៀសវាង ការធ្វើរបងរំលោភលើដីគម្រោងបើក ផ្លូវលេខ១៧០៣ទៀតនោះក្រុមការងារ ក៏បានសម្រេចផ្អាកការសាងសង់របង នោះជាបណ្ដោះអាសន្នសិន និងណែនាំ ឱ្យម្ចាស់សំណង់បន្ដរុះរើសំណង់ផ្ទះផ្ទាល់ ដីទាំងនោះចេញ ។
បើនិយាយពីទីតាំងខាងលើស្ថិតនៅ ក្នុងតំបន់អភិវឌ្ឍន៍ខណ្ឌឫស្សីកែវមួយ នេះត្រូវបានគេដឹងច្បាស់មានការអូស បន្លាយអស់រយៈពេលជាច្រើនឆ្នាំមក ហើយៗមានទីតាំងខ្លះដីមួយកន្លែងមាន ឈ្មោះជាន់គ្នាដល់ទៅ៥នាក់ ខ្លះទៀតនាំ គ្នាចាប់យកដែលធ្វើឱ្យអាជ្ញាធរមានការ ឈឺក្បាលក្នុងការដោះស្រាយហើយមិន ចប់រហូតមកដល់ពេលនេះ ។
បើតាមសេចក្ដីរាយការណ៍ព័ត៌មាន ពាក់ព័ន្ធនឹងតំបន់អភិវឌ្ឍន៍ខាងលើនេះ បញ្ហាដែលស្មុគស្មាញហើយអូសបន្លាយ រហូតដល់ដោះស្រាយតាំងពីថ្នាក់ជាតិ រហូតដល់ថ្នាក់មូលដ្ឋាននៅតែមិនចប់ នេះព្រោះតែមានបុគ្គលមួយចំនួនបាន យកអំណាចរបស់ខ្លួនរួមជាមួយនឹងទឹក ប្រាក់ក្នុងការបំពានរំលោភយកដីរបស់ រដ្ឋ ជាពិសេសអាជ្ញាធរដែលចុះនាព្រឹក ថ្ងៃទី២២ ខែមីនាម្សិលមិញនោះឃើញ ជាក់ស្ដែងបុគ្គលដែលរំលោភបែរជាយក ស្លាកដែលមានរូបសំណាកសម្ដេចទាំង ២យកមកដាក់តាំងដើម្បីបំលាចដល់ អាជ្ញាធរក្នុងការចុះអនុវត្ដនេះ ៕
ដោយ៖ អរុណរះ
