ដោយយោងទៅតាមក្រុមហ៊ុន Daiwa Securities Co. បានឱ្យដឹងថា ការជួលការិយាល័យសិង្ហបុរីប្រហែលជាធ្លាក់ចុះ ២៥ ភាគរយរហូតដល់ចុងឆ្នាំ២០១៨ ដោយសារតែតម្រូវការធា្លក់ចុះ។
លោក David Lum អ្នកវិភាគរបស់ក្រុមហ៊ុននេះបានរំពឹងថា ឆ្នាំ២០១៨ នឹងក្លាយជាឆ្នាំមានហានិភ័យខ្ពស់ចំពោះការជួលការិយាល័យ ហើយត្រូវបានគេរំពឹងថា ការជួលនេះនឹងបន្តធ្លាក់ចុះរហូតដល់ចុងឆ្នាំនោះ។ លោកបានព្យាករថាការជួលនឹងធ្លាក់ចុះ ២៥ ភាគរយបើធៀបនឹងត្រីមាសទី១នៃឆ្នាំនេះ ខណៈដែលតម្លៃការិយាល័យនឹងធ្លាក់ចុះ ១៤ភាគរយក្នុងរយៈពេលដូចគ្នានេះ។
អ្នកវិភាគផ្សេងទៀតក៏បានព្យាករផងដែរថាការធ្លាក់ចុះនៅក្នុងវិស័យការិយាល័យសិង្ហបុរីនេះ ដោយសារតែគេមើលឃើញពីកំណើនសេដ្ឋកិច្ចសកលនៅតែមានភាពស្រអាប់ដដែល ហើយការផ្គត់ផ្គងលើសពីតម្រូវការផងដែរ។
ដោយយោងទៅតាម ក្រុមហ៊ុន Jones Lang Lasalle Inc, បានឱ្យដឹងថាការជួលការិយាល័យនៅសិង្ហបុរីប្រហែលជាធ្លាក់ចុះ ២០ភាគរយក្នុងឆ្នាំនេះ បន្ទាប់ពីការធ្លាក់ចុះ ១៥ភាគរយ កាលពីឆ្នាំមុនមក។ ចំណែកឯតម្លៃការិយាល័យវិញ ប្រហែលជាត្រូវបានគេមើលឃើញថានឹងធ្លាក់ចុះស្រដៀងគ្នានេះដែរ ដោយសារតែមានការធ្លាក់ចុះនៃការជួល ៦ភាគរយ កាលពីឆ្នាំ២០១៥ ។
លោក Lum បានទម្លាក់ភាពជឿជាក់ទៅលើការវិនិយោគផ្នែកអចលនទ្រព្យដល់កម្រិតអវិជ្ជមានហើយក៏បានបន្ទាបអត្រាភាគហ៊ុនក្នុងវិស័យនេះផងដែរ៕
