ភ្នំពេញ ៖ បុរសជនជាតិចិនម្នាក់បើករថយន្តលុចស៊ិសRX330មួយគ្រឿងរេចង្កូតទៅបុករះរនាំងដែកពុះចែកទ្រូវផ្លូវបាក់អស់ចំនួន៦ផ្ទាំងហើយរថយន្តរងការខូចខាតផ្នែកខាងមុខយ៉ាងដំណំទៅមុខលែងរួច។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី១៩ខែកក្កដាឆ្នាំ២០១៥ ត្រង់ចំណុចក្បែរការដ្ឋានស្ពានអាកាសស្ដុបតិចណូ តាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក។ ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តលុចស៊ីសRX330មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2J-3118 បើកបរដោយបុរសជនជាតិចិនម្នាក់ ធ្វើដំណើរតាមបណ្ដោយផ្លូវសហព័ន្ធរុស្ស៊ី ទិសដៅពីលិចទៅកើតចេញពីចំណុចការដ្ឋានស្ពានអាកាសស្ដុបតិចណូ ក្នុងល្បឿនយ៉ាងលឿន ខណៈមកដល់ចំណុចកើតហេតុទំនងមើលមិនឃើញរនាំងដែកពុះចែកទ្រូងផ្លូវក៏បុករះចំពេញទំហឹងបណ្ដាលអោយបាក់ខូចខាតចំនួន៦ផ្ទាំងហើយរថយន្តខ្ទេចមួយកំណាត់ខាងមុខទៅមុខលែងរួច។ ភ្លាមៗសមត្ថកិច្ចមូលដ្ឋានក៏បានចុះមកអន្តរាគមន៍និងបានឃាត់ខ្លួនអ្នកបើកបរផងដែរ៕