ខេត្ត ព្រះ សីហនុ៖ យោងតាមសេចក្តីរាយការណ៍បានឱ្យដឹងថា មានការភ្ញាក់ផ្អើលមួយដោយសារតែក្រុមគ្រួសាររបស់ក្មេងប្រុសម្នាក់បានអះអាង ប្រាប់ សមត្ថកិច្ច ថា មានក្មេងប្រុសអាយុ១៤ឆ្នាំម្នាក់បាន បាត់ ខ្លួននៅក្នុង អគារ កាស៊ីណូ យីហោ ហ្កា ន់ ដាវ ដែល បានផ្អាក អាជីវកម្ម ស្ថិតក្នុង តំបន់ អូរ ឈើទាល ភូមិ ៤ សង្កាត់ លេខ ៤ ក្រុងព្រះសីហនុ តាំងពី ល្ងាចថ្ងៃទី ៩ ខែសីហា ឆ្នាំ ២០២១ រហូតមកដល់ ព្រឹក ថ្ងៃទី ១០ ខែសីហា នេះនៅតែ រក មិនទាន់ ឃើញ នៅឡើយ ។
លោក វរសេនីយ៍ឯក តី វិសាល អធិការនគរបាលក្រុងព្រះសីហនុ បាន ឱ្យដឹងថាៈ សមត្ថកិច្ចនិង ក្រុម ជួយសង្គ្រោះកំពុង ស្វែងរក ក្នុង នោះបាន រុករក ទាំង នៅក្នុង អគារកាស៊ីណូ នេះ និង ស្រាវជ្រាវ រកតាម ជំនាញនៅក្រៅ ទីតាំងកាស៊ីណូ នេះ ផងដែរ ។
ម្តាយ ក្មេងប្រុស នោះ បាន ឱ្យដឹងថាៈ កូនប្រុស របស់គាត់ មានឈ្មោះ ភឿង វេហា អាយុ ១៤ ឆ្នាំ ជា កូនប្រុស ទីមួយ ក្នុងចំណោម កូន៥នាក់ ដែល បានមក រើស អេតចាយ នៅ ម្តុំ ឆ្នេរ អូ រឈើទាលជា រៀងរាល់ថ្ងៃ ។
នៅ ថ្ងៃកើតហេតុ កូនប្រុស របស់គាត់បានមក រើស អេតចាយជាមួយ ក្មេងៗ៥នាក់ ទៀត ប៉ុន្តែ បាត់ តែ កូនប្រុសរបស់គាត់ មិនឃើញ ត្រឡប់ទៅផ្ទះ វិញ ។
សមត្ថកិច្ចបាន សាក សួរនាំ ក្មេងៗក្រុម រើស អេតចាយជាមួយគ្នា ទើប ដឹងថា ក្មេងប្រុស ម្នាក់នេះបាត់ ខ្លួន ពេល កំពុង ចូល រើស អេតចាយដែក ចាស់ៗក្នុង កាស៊ីណូដែល ផ្អាក អាជីវកម្ម ខាងលើ ហើយ ត្រូវបាន អ្នក មើលថែកាស៊ីណូ មក ទាន់ ។ ក្រុម ក្មេងៗរើស អេតចាយក៍៏នាំគ្នា រត់គេចចូលទៅ ខាងក្នុង អគារ និង ថា ក្រោយមកក្មេង ផ្សេងទៀតបាន ត្រឡប់មកផ្ទះ វិញនៅ បាត់ តែកុមារា ភឿង វេហា ម្នាក់ ប៉ុណ្ណោះ ។
ទោះជា យ៉ាងនេះ ក្តី សមត្ថកិច្ចនៅ មិនទាន់ បញ្ជាក់បានពី ស្ថានភាព នៃ ការបាត់ ដំណឹង ក្មេងប្រុស ម្នាក់នេះ ថា បែបណា នៅឡើយ ដោយសារតែ ការស្វែងរកកំពុង ធ្វើ បន្ត ៕ ដោយ៖អរុណរះ
