ភ្នំពេញ, បើយោងតាមសមត្ថកិច្ចមូលដ្ឋាន និងអាជ្ញាធរខណ្ឌទួលគោកបានអោយដឹងមុននេះបន្តិចថា , ទីតាំងផ្សារ ៧មករា ( ទល់មុខផ្សារទួលគោក ) ដោយមាន អ្នកជម្ងឺបានទៅទិញម្ហូបនៅផ្សារនេះ ត្រូវសមត្ថកិច្ច និងក្រុមគ្រូពេទ្យបិទខ្ទប់ទីតាំងផ្សារ៧មករា ដើម្បីយកសំណាកប្រជាពលរដ្ឋ ដែលមានការពាក់ព័ន្ធវិជ្ជមានជំងឺកូវីដ១៩បំប្លែងថ្មី ដែលតា(Delta) ! ។ 

សូមបញ្ជាក់ថា, ក្រុមគ្រូពេទ្យ បានទទួលដំណឹងថា មានអ្នកពាក់ព័ន្ធវិជ្ជមានជំងឺកូវីដ១៩បំប្លែងថ្មី ដែលតា(Delta) ដែលស្ថិតនៅលើផ្លូវ២៩៧ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។

ពេលនេះ សមត្ថកិច្ចមូលដ្ឋាន បាននិងកំពុងធ្វើការបិទខ្ទប់បណ្តោះអាសន្ន ដើម្បីឱ្យក្រុមគ្រូពេទ្យ ធ្វើការយកសំណាកប្រជាពលរដ្ឋនៅជុំវិញទីតាំងខាងលើ។  កម្ពុជា​​!​ បន្តរកឃើញករណីឆ្លងកូវីដ-១៩ថ្មី​​ចំនួន​ ៥៩៣នាក់ និង​​អ្នក​ជាសះស្បើយ​ ៧៤៨នាក់​ ខណៈ​អ្នកជំងឺកូវីដ​ស្លាប់​ ១២នាក់​។ បើយោងតាមការប្រកាសជូនព័ត៌មាន របស់ក្រសួងសុខាភិបាលនៅព្រឹកថ្ងៃទី១៨ ខែសីហា ឆ្នាំ២០២១។ 

សូមបញ្ជាក់ផងដែរថា, កំណេីនអត្រាចាក់វ៉ាក់សាំងកូវីដ-១៩​ នៅកម្ពុជា​ គិតត្រឹមថ្ងៃទី១៧ ខែសីហា ឆ្នាំ២០២១​ មាន​ ៨៥,២៣%​ ធៀបជាមួយចំនួនប្រជាជនគោលដៅ​ ១០លាននាក់​ និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៣២,២៥% ធៀបជាមួយនឹងប្រជាជនគោលដៅ ១,៩៦៦,៩៣១ នាក់។ 

ដោយឡែករដ្ឋបាលរាជធានីភ្នំពេញនៅថ្ងៃនេះបានចេញ សេចក្ដីសម្រេច ស្ដីពីការបិទខ្ទប់តំបន់លំនៅឋានអ៊ូស៊ានណា ស្ថិតនៅភូមិសំរោងទាវ និងភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដែលមានការឆ្លងរាលដាលនៃមេរោគបំប្លែងខ្លួនថ្មី ប្រភេទដែលតា (Delta) សម្រាប់រយៈពេល ១៤ថ្ងៃ គិតចាប់ពីថ្ងៃទី១៨ ខែសីហា ឆ្នាំ២០២១ រហូតដល់ថ្ងៃទី៣១ ខែសីហា ឆ្នាំ២០២១ ដើម្បីទប់ស្កាត់ និងកាត់ផ្ដាច់ការឆ្លងរាលដាលនៃមេរោគបំប្លែងខ្លួនថ្មី ប្រភេទដែលតា (Delta) នៅក្នុងសហគមន៍៕

ដោយ, សិលា