ខេត្តកណ្តាល៖ នារសៀលថ្ងៃទី ៣០ ខែ មីនា ឆ្នាំ២០១៦ នៅសាលាខេត្តកណ្តាល បានរៀបចំពិធីស្វាគមន៍ គណៈប្រតិភូយោធភូមិភាគទី៩ នៃកងទ័ពប្រជាជនវៀតណាម ដែលដឹកនាំដោយ លោក ឧត្តមសេនីយ៍ត្រី ផាម វ៉ាន់ជួ អញ្ជើញមកជូនពរចូលឆ្នាំថ្មីប្រពៃណីជាតិខ្មែរ ជូនដល់គណៈអភិបាលខេត្ត កងកម្លាំង មន្ត្រីរាជការ និងប្រជាជនខេត្តកណ្តាល ដែលនឹងប្រារព្ធឡើងរយៈពេល ០៣ថ្ងៃ (១៤-១៥-១៦) ខែ មេសា នាពេលខាងមុខនេះ។

សមាសភាពអញ្ជើញចូលរួមរបស់គណៈប្រតិភូខេត្ត ដឹកនាំដោយ លោក ម៉ៅ ភិរុណ អភិបាលខេត្ត រួមមាន៖ លោក លោកស្រីអភិបាលរងខេត្ត, លោក លោកស្រី សមាជិកក្រុមប្រឹក្សាខេត្ត, លោកមេបញ្ជាការរងកងរាជអាវុធហត្ថខេត្ត, លោកស្នងការរងខេត្ត, ឯកឧត្តមមេបញ្ជាការតំបន់ប្រតិបត្តិការសឹករងកណ្តាល, លោកនាយក-នាយករងរដ្ឋបាលខេត្ត, ប្រធាន-អនុប្រធានមន្ទីរជុំវិញខេត្ត និងមន្ត្រីសាលាខេត្ត សរុបចំនួន ៥០នាក់៕​

ដោយ៖ សុខ​ ខេមរា