ភ្នំពេញ៖ ជនសង្ស័យមួយក្រុមបានធ្វេីសកម្មភាពឆក់អាវអ្នកលក់ដាក់រទះតាមដងផ្លូវបានសម្រេចកាលពីវេលាម៉ោង៣និង៣០នាទីរសៀលថ្ងៃទី១៦ ខែកញ្ញា ឆ្នាំ២០២១ នៅចំណុចផ្លូវរថភ្លេីង កែងមហាវិថី ឈ្នះ ឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ ហេីយព្យាយាមគេចខ្លួនរហូតទៅដល់ផ្លូវបេតុង សង្កាត់កំបូលខណ្ឌកំបូល ត្រូវបានសមត្ថកិច្ចដេញឃាត់ជាប់ចំនួន៤នាក់ ។
ជនសង្ស័យទី១ឈ្មោះ អាវ ខេរា ភេទប្រុស អាយុ១៧ឆ្នាំ មុខរបរមិនពិតប្រាកដ ។
ឈ្មោះ កុយ ចាន់ស៊ិន ១៧ឆ្នាំ
ទី៣ឈ្មោះវណ្ណ វណ្ណៈ ភេទប្រុស អាយុ១៧ឆ្នាំ ។
ទី៤ឈ្មោះ រី សាមុត ភេទប្រុស អាយុ១៧ឆ្នាំ ។
តាមប្រភពព័ត៌មានពីជនរងគ្រោះបានឱ្យដឹងថា ជនសង្ស័យខាងលេីតែងតែធ្វេីសកម្មភាពឆក់អាវរបស់គាត់ដែលដាក់លក់តាមផ្លូវជាញឹកញាប់ដោយអាវមួយក្នុងតម្លៃជាង១០ដុល្លារ តែមិនដែលឃាត់ខ្លួនបានទេ រហូតមកដល់វេលាកេីតហេតុស្រាប់តែមានជនសង្ស័យមានគ្នា៥នាក់ជិះម៉ូតូ៣គ្រឿងមកធ្វេីសកម្មភាពឆក់អាវរបស់គាត់ទៀតភ្លាមនោះប្អូនរបស់គាត់ក៏ជិះម៉ូតូដេញស្រែកចោរៗបង្កការភ្ញាក់ផ្អេីលដល់កម្លាំងសមត្ថកិច្ចដេញរហូតឃាត់ខ្លួនបានចំនួន៤នាក់ និងម៉ូតូ២គ្រឿង។
បច្ចុប្បន្នជនសង្ស័យត្រូវបានសមត្ថកិច្ចនាំខ្លួនទៅសួរនាំនៅប៉ុស្តិ៍រដ្ឋបាលនគរបាលសំរោងក្រោមដេីម្បីកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យចាត់ការតាមនីតិវិធីច្បាប់៕ ដោយ៖សុខាសែនជ័យ
