ភ្នំពេញ ៖ មនុស្សប្រុសស្រី៧នាក់ដែលជាអ្នកមេីលការខុសត្រូវនិងជាអ្នកលេងហ្គេមបាញ់ត្រីខុសច្បាប់នៅក្នុងមជ្ឈមណ្ឌល ជីនសុឺម៉ៅ ក្បែរស្ពានហង្សកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន ត្រូវបានកម្លាំងសមត្ថកិច្ចឃាត់ខ្លួនកាលពីវេលាម៉ោង១០ និង២០នាទីយប់ ថ្ងៃទី១៧ ខែកញ្ញា ឆ្នាំ២០២១ ។
តាមប្រភពព័ត៌មានបានឱ្យដឹងថា ទីតាំងខាងលេីនេះបានលួចលាក់បេីកលេងហ្គេមបាញ់ត្រីជាច្រេីនថ្ងៃច្រើនខែមកហេីយ ទេីបតែនៅយប់ថ្ងៃទី១៧ ខែកញ្ញា នេះ កម្លាំងគណៈបញ្ជាការឯកភាពខណ្ឌចំការមនបានធ្វេីការចុះបង្ក្រាបនិងឃាត់ខ្លួនមនុស្សប្រុសស្រី៧នាក់បញ្ជូនទៅកាន់អធិការដ្ឋាននគរបាលខណ្ឌចំការមន ដេីម្បីអនុវត្តតាមនីតិវិធីច្បាប់ ។ ចំណែកវត្ថុតាងទាំងប៉ុន្មាននៅក្នុងទីតាំងខាងលេី គឺអាជ្ញាធរបិទទ្វារចាក់សោទុកចោលជាបណ្ដោះអាសន្ន ។
គួរបញ្ចាក់ផងដែរថា ទីតាំងហ្គេមបាញ់ត្រីខាងលេីនេះមិនត្រឹមតែបើកលេងខុសច្បាប់ប៉ុណ្ណោះទេ គឺថែមទាំងល្មេីសនឹងសេចក្ដីសម្រេចរបស់រដ្ឋបាលរាជធានីភ្នំពេញផងដែរ ៕
ដោយ ៖ ភារ៉ា ដង្កោ
