ក្រុងព្រះសីហនុ៖ មានករណីគ្រោះថ្នាក់ចរាចរណ៍រថយន្ត បាឡែនបុកប៉ះជាមួយម៉ូតូ៣គ្រឿងនៅផ្លូវឆ្នេរឯករាជ្យ(ឆ្នេរ៧ជាន់)ក្នុងសង្កាត់លេខ៣ក្រុងព្រះសីហនុ កាលពី វេលាម៉ោង៤និង៤០នាទីរសៀលថ្ងៃទី២​ ខែមេសា ឆ្នាំ២០១៦​ រួចហើយរថយន្តជ្រុលឡើងទៅប៉ះនិងសំណង់អាគារក្បែរផ្លូវ ។

បើតាមសេចក្តីរាយការណ៍បឋមមកថា មនុស្ស២នាក់ភាគីខាងម៉ូតូរងរបួសធ្ងន់ធ្ងរក្នុងនោះបុរសម្នាក់បាក់ដៃ.ជើងនិងស្ត្រីម្នាក់សន្លប់បាត់ស្មារតី ចំណែកជនបរទេសម្នាក់ទៀតជាភាគីខាងម៉ូតូដែរនោះ មិនមានរងរបួសធ្ងន់ធ្ងរដូចបុរស ស្ត្រីទាំង២នាក់នោះទេ៕

ដោយ៖ សហការី