ភ្នំពេញ : បង្កការភ្ញាក់ផ្អើលនៅរសៀលថ្ងៃទី15 ខែ តុលា ឆ្នាំ 2021នៅចំណុចបន្ទប់ជួលតាមផ្លូវបេតុង ស្ថិតនៅភូមិ5 សង្កាត់ ផ្សារដើមថ្កូវ ខណ្ឌចំការមនបង្រ្កាបជនសង្ស័យសរុបប្រុសស្រីចំនួន៥នាក់និងថ្នាំញៀនមួយចំនួនធំនិងឧបករណ៍សំរាប់ជក់ប្រើប្រាស់គ្រឿងញៀននៅបន្ទប់ជួល ។

លោក ផន អូន អធិការរងទទួលផែនប្រឆាំងគ្រឿងញៀនខណ្ឌចំការមនបានប្រាប់ឱ្យដឹងថាមុនកើតហេតុបានចុះធ្វើរដ្ឋបាលមានការចូលរួមមេភូមិនិងប៉ុស្តិ៍រដ្ឋកម្លាំងជំនាញប្រឆាំងគ្រឿងញៀនខណ្ឌហើយចុះទៅដល់បន្ទប់ជួលខាងលើមានចំនួន៣បន្ទប់និងថ្នាំញៀនសរុប៣៨កញ្ចប់។

ជនសង្ស័យទី1-ឈ្មោះម៉ក់ សីហា ភេទប្រុស អាយុ 26ឆ្នាំស្នាក់នៅបន្ទប់ជួល ភូមិ 5 ក្រុម 32សង្កាត់ផ្សារដើមថ្កូវ ខណ្ឌចំការមន មុខរបរមិនពិតប្រាកដ។

ជនសង្ស័យទី2-ឈ្មោះ ជា សុផានី ភេទ ស្រី អាយុ 33ឆ្នាំ ស្នាក់នៅជាមួយគ្នា។

ជនសង្ស័យទី3-ឈ្មោះ យ៉ាន់ ចន ភេទ ស្រី អាយុ42ឆ្នាំ។

ជនសង្ស័យទី4-ឈ្មោះ សន វាសនា ភេទប្រុស អាយុ 21ឆ្នាំ។

ជនសង្ស័យទី5-ឈ្មោះ វិត មករា ភេទប្រុស អាយុ 33ឆ្នាំ។

សម្ភារដកហូត : ថ្នាំញៀនចំនួន38 កញ្ចប់ ធំល្មម 7កញ្ចប់។

បន្ទប់លេខ 01-ចំនួន 6កញ្ចប់ធំល្មម5កញ្ចប់តូច1កញ្ចប់ ជញ្ជីងថ្លឹង 1មនុស្ស 3នាក់ ស្រី1នាក់ ។ បន្ទប់លេខ 07បានចំនួន 8 កញ្ចប់ ធំល្មម 2កញ្ចប់ តូចៗ 6កញ្ចប់ មនុស្ស 2នាក់ ស្រី2នាក់ ចំណែកបន្ទប់លេខ 04 ជនសង្ស័យបានទម្លុះដំបូលផ្ទះរត់គេចខ្លួន បន្សល់ទុកថ្នាំញៀនចំនួន24កញ្ចប់តូចនៅក្នុងបន្ទប់ ។

សមត្ថកិច្ចបន្តទៀតថាក្រោយពីសាកសួរនាំជនសង្ស័យចំនួន៥នាក់ពីបទជួញដូរគ្រឿងញៀនខុសច្បាប់ជនសង្ស័យខាងលើធ្វើការឃាត់ខ្លួនរួមទាំងវត្ថុតាងខាងលើបញ្ជូលទៅអធិការដ្ឋានខណ្ឌដើម្បីចាត់ការបន្តតាមនីតិវិធី៕ ដោយ ជីណា