ភ្នំពេញ៖ លទ្ធផលប្រកួតកីឡាបាល់ទាត់ វគ្គជម្រុះក្នុងពូលមាន៦ទីលាន មានដូចជា ក្រុមណាហ្គាវើល ឈ្នះក្រុម ខេត្តស្វាយរៀង ៦-០ រីឯក្រុមភ្នំពេញក្រោន ឈ្នះក្រុមវេស្ទើន ៥-០ នៃការប្រកួតបាល់ទាត់ពានរង្វាន់សម្តេចតេជោ ហ៊ែន សែន ២០១៦ នារសៀលថ្ងៃទី៦ ខែមេសា ឆ្នាំ២០១៦ នៅពហុកីឡដ្ឋានជាតិ , កីឡដ្ឋាន វើស្ទើន ក្រុមមជ្ឈមណ្ឌលកម្ចាត់មីនកម្ពុជាឈ្នះ ក្រុម ប៉ៃលិន៦-១ផងដែរ ។
ក្រុមណាហ្គាវើល ឈ្នះក្រុមខេត្តស្វាយរៀង ៦-០ ស្ថិតនៅពូល D ការប្រកួតនៅតង់ទី១ ណាហ្គាវើលអាចទម្លុះសំណាញទីក្រុម ខេត្តស្វាយរៀងបានរហូតដល់៦គ្រាប់រកបានដោយកីឡាករ គួច សុកុម្ភៈ និង សុះ ស៊ូហាណា ប៉ុន្តែតង់ទី២ត្រូវបានក្រុមខេត្តស្វាយរៀង គ្រប់គ្រងស្ថានភាពបានល្អឡើងវិញរក្សាលទ្ធផល៦-០ រហូតដល់ចប់ការប្រកួតទាំងស្រុង ។
ក្រុមភ្នំពេញក្រោនបានយកឈ្នះក្រុមវេស្ទើន ៥-០ គ្រប់បាល់ទាំងនេះធ្វើបានសម្រេចដោយកីឡាករ កុក បុរិស ចំនួន២គ្រាប់ម្នាក់ឯង , កីឡាករ ពៅ ពន់វុទ្ធី រកបាន១គ្រាប់, ឡេង មករា រកបាន១គ្រាប់ និងអ៊ុក សុធី រកបាន១គ្រាប់ ។
ក្រុមអគ្គស្នងការដ្ឋាននគរបាលជាតិ លេងឈ្នះក្រុមខេត្តព្រះវិហារ ៩-០ស៊ីម៉ាក់ស៊ីប៉ៃលិន ៦-១ និងសៀមរាប ឈ្នះ ក្រចេះ ៣-០ ស្របពេលដែល កំពង់ស្ពឺឈ្នះ ខេត្តកំពត ២-១ ៕
ដោយ៖ សារីម
