ខេត្តត្បូងឃ្មុំ៖ ជនសង្ស័យចំនួន៥នាក់ត្រូវបាន កំលាំងនគរបាលស្រុកមេមត់ ធ្វើការស្រាវជ្រាវ និងបង្ក្រាបចាប់ខ្លួន ពីបទ រក្សាទុក ដឹកជញ្ជូន និងជួញដូរនូវសារធាតុញៀនដោយខុសច្បាប់។

ប្រតិបត្តិការនេះធ្វើរឡើងនៅវេលាម៉ោង ០៩ និង០០នាទី ថ្ងៃទី០៧ ខែមេសា ឆ្នាំ២០១៦ នៅចំណុចភូមិ ចំការគរ ឃុំដារ ស្រុកមេមត់ ខេត្តត្បូងឃ្មំុ។
អ

ធិការនគរបាលស្រុកមេមត់ លោក ហុង គឹមហឿន បានឲ្យដឹងថា ជនសង្ស័យចំនួន ០៥នាក់ ១-ឈ្មោះ រឿន នី ភេទប្រុស អាយុ២៣ឆ្នាំ ជនជាតិឥស្លាម ២-ឈ្មោះ រឿន ទិត្យ ភេទប្រុស អាយុ២០ឆ្នាំ ជនជាតិឥស្លាម ៣-ឈ្មោះ សុះហាន់ ណាវ៉ី ភេទប្រុស អាយុ២០ឆ្នាំ ជនជាតិឥស្លាម ៤-ឈ្មោះ ឌៀល ស្រីមុំ ភេទស្រី អាយុ២០ឆ្នាំ(ប្រពន្ធរបស់ រឿន នី) ៥-ឈ្មោះ រឿន សុខ ភេទប្រុស អាយុ១៥ឆ្នាំ ជនជាតិឥស្លាម ទាំង០៥នាក់ មានទីលំនៅ ភូមិចំការគរ ឃុំដារ ស្រុកមេមត់ ខេត្តត្បូងឃ្មុំ។

ក្នុងនោះ សមត្ថកិច្ចជំនាញបានធ្វើការឆែកឆេរ និងដកហូតនូវម៉្សៅក្រាមពណ៌សថ្លាសង្ស័យជាថ្នាំញៀន ចំនួន១៤កញ្ចប់(តូច១៣ និងធំ០១)។

លោកអធិការបន្តថា បច្ចុប្បន្ន ជនសង្ស័យទាំង៥នាក់ត្រូវបាននាំខ្លួនមកកាន់កន្លែងអធិការដ្ឋាននគរបាលស្រុកមេមត់ ដើម្បីសមត្ថកិច្ចកំពង់ចាត់ការបន្តតាមនីតិវិធី៕

ដោយ៖ វណ្ណះ