ខេត្តត្បូងឃ្មំុៈ ជនសង្ស័យម្នាក់រួមនិងវត្ថុតាងថ្នាំញៀនចំនួន២៧កញ្ចប់ ត្រូវបានសមត្ថកិច្ចនគរបាលស្រុកមេមត់បង្រ្កាបនិងដកហូតបាន។
ប្រតិបត្តិការនេះធ្វើរឡើងនៅវេលាម៉ោង ១៣ និង៤៥នាទី ថ្ងៃទី១១ ខែមេសា ឆ្នាំ២០១៦ នៅចំណុចភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ។
អធិការនគរបាលស្រុកមេមត់ លោក ហុង គឹមហឿន បានប្រាប់ឲ្យបានដឹងថា កម្លាំងអធិការដ្ឋាននគរបាលស្រុកមេមត់ និង សហការជាមួយប៉ុស្តិ៍រដ្ឋបាលមេមត់ ចុះបង្ក្រាបករណីរក្សាទុក ដឹកជញ្ជូន និងជួញដូរសារធាតុញៀនដោយខុសច្បាប់ ក្នុងនោះធ្វើការឃាត់ខ្លួនមុខសញ្ញាសង្ស័យម្នាក់ ឈ្មោះ អ៊ុន ឌី ភេទប្រុស អាយុ២២ឆ្នាំ នៅភូមិជប់ទី២ ឃុំជប់ ស្រុកត្បូងឃ្មុំ។
ក្នុងនោះសមត្ថកិច្ចដកហូតវត្ថុតាងម្សៅក្រាមពណ៌សថ្លាសង្ស័យជាថ្នាំញៀនចំនួន២៧កញ្ចប់តូច។
បច្ចុប្បន្នជនសង្ស័យ រួមជាមួយវត្ថុតាង ត្រូវបាននាំខ្លួនមកអធិការដ្ឋាននគរបាលស្រុ កមេមត់ ដើម្បីកសាងសំណុំរឿងចាត់ការតាមនីតិវិធី៕
វណ្ណះ
