ខេត្តរតនគិរី៖ ជនសង្ស័យម្នាក់ត្រូវបានសមត្ថកិច្ចនគរបាលឃាត់ខ្លួនពីបទរក្សាទុកនិងជូញដូរនូវសារធាតុញៀនខុសច្បាប់នៅក្រុងបានលុង។

ការចុះបង្ក្រាបជនសង្ស័យនេះប្រព្រឹតទៅនៅវេលាម៉ោង៦ល្ងាចថ្ងៃទី១៧ ខែមេសា ឆ្នាំ២០១៦ នៅចំណុចលើផ្លូវលំស្ថិតក្នុងភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។

សមត្ថកិច្ចបានឲ្យដឹងថា ជនសង្ស័យឈ្មោះ អុឹម បញ្ញា ភេទប្រុស អាយុ ២៣ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។

សមត្ថកិច្ចដកហូតបាននៅម្សៅក្រាមពណ៌ស សង្ស័យជាថ្នាំញៀនប្រភេទម៉ាទឹកកក ចំនួន ២ថង់ធំ ស្មើនិង ៣,៨៦ក្រាម។បច្ចុប្បន្នជនសង្ស័យត្រូវបានបញ្ជូនទៅសាលាដំបូងខេត្តរតនគិរីដើម្បីធ្វើការទៅតាមនីតិវិធីច្បាប់ ៕

ដោយ៖ វុទ្ធឦសាន