ភ្នំពេញ៖ នៅរសៀលថ្ងៃទី២២ ខែកក្កដា ឆ្នាំ២០១៥ កម្លាំងនគរបាលនៃស្នងការដ្ឋាននគរបាលរាជធានីភ្នំពេញដែលដឹកនាំដោយលោក ចាន់ សារឿនអនុកណ្តាលទទួលបន្ទុកព្រហ្មទណ្ឌ និងមានការចូលរួមពីលោកព្រះរាជអាជ្ញា វង់ ប៊ុនវិសុទ្ធ បានបង្ក្រាបទៅលើទីតាំងជល់មាន់ និងលេងអាប៉ោងមួយកន្លែងនៅទីតាំងដដែល ស្ថិតក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ ។
ក្នុងប្រតិបត្តិការរបស់កម្លាំងនគរបាលបង្ក្រាបទៅលើទីតាំងខាងលើនេះ សមត្ថកិច្ចឃាត់ខ្លួនមនុស្សបាន១៣នាក់ ម៉ូតូ២១គ្រឿង និងរថយន្ត៣គ្រឿង ព្រមទាំងមាន់៣ក្បាលបញ្ជូនទៅស្នងការភ្លាមៗ ។
គួរបញ្ជាក់ឲ្យដឹងថា ទីតាំងខាងលើនេះត្រូវបានលើកជាយូរមកហើយ ហើយត្រូវបានបង្ក្រាបជាញឹកញាប់ដោយអាជ្ញាធរខណ្ឌឫស្សីកែវ តែហាក់បីដូចជាមិនរាងចាល ទើបកម្លាំងខាងនគរបាលក្រុងចុះបង្ក្រាបម្តងទៀត ៕ អារុណរះ
...
