ខេត្ដព្រះសីហនុ ៖ បុរសម្នាក់ស្លាប់ នៅនឹងកន្លែងកើតហេតុនិងម្នាក់ទៀតរង របួសខណៈជិះម៉ូតូបុកបង្គោលសុវត្ថិភាព តាមដងផ្លូវនៅចន្លោះគីឡូម៉ែត្រលេខ ១០-១១ ឋិតនៅភូមិអូរត្រជាក់ចិត្ដ ឃុំ សំរុង ស្រុកព្រៃនប់ ខេត្ដព្រះសីហនុ កាល ពីវេលាម៉ោង៥ល្ងាចថ្ងៃទី២២ ខែកក្កដា ឆ្នាំ២០១៥ ។
នគរបាលស្រុកព្រៃនប់ឱ្យដឹងថា អ្នក បើកបរឈ្មោះ វុធ គង់ ភេទប្រុស អាយុ ១៨ឆ្នាំ មុខរបរកម្មករ រងរបួសស្រាល បានបញ្ជូនទៅព្យាបាលនៅគ្លិនិកឯកជន មួយនៅវាលរេញ។ រីឯអ្នករួមដំណើរ ដែលបានស្លាប់ឈ្មោះ *សុខ ក្រឹម ភេទ ប្រុស អាយុ២៥ឆ្នាំ មុខរបរកម្មករ អ្នក ទាំងពីរមានទីលំនៅកន្លែងកើតហេតុ ។
តាមសាក្សីអះអាងប្រាប់សមត្ថកិច្ច ថា ជនរងគ្រោះបានធ្វើដំណើរតាមម៉ូតូ មួយគ្រឿងម៉ាកហុងដា ពណ៌ខ្មៅ ពាក់ ស្លាកលេខ1C-7855 ធ្វើដំណើរពីលិចទៅ កើតមកដល់ចំណុចកើតហេតុបានជ្រុលចង្កូតទៅបុកបង្គោលសុវត្ថិភាពពេញ ទំហឹងបណ្ដាលឱ្យរបួសស្លាប់តែម្ដង។ សាកសពជនរងគ្រោះត្រូវក្រុមគ្រួសារ ដឹកទៅកាន់គេហដ្ឋាន រីឯម៉ូតូក្រុមគ្រួសារ ជនរងគ្រោះយកទៅរក្សាទុក ។
នគរបាលចរាចរណ៍បានសន្និដ្ឋានថា ករណីគ្រោះថ្នាក់ខាងលើនេះសង្ស័យអ្នក បើកបរស្រវឹង ហើយបើកលឿនមកដល់ ចំណុចផ្លូវកោងក៏ជ្រុលទៅបុកបង្គោល សុវត្ថិភាពតែម្ដង ។
គួរបញ្ជាក់ថា តាមគេហទំព័ររបស់ នគរបាលជាតិបានបង្ហាញឱ្យដឹងថា នៅ ថ្ងៃទី២២ ខែកក្កដា ឆ្នាំ២០១៥ មាន មនុស្ស៣នាក់បានស្លាប់និង២១រងរបួស ធ្ងន់ស្រាលនៅក្នុងករណីគ្រោះថ្នាក់ចរាចរ ទូទាំងប្រទេស ។ អ្នកស្លាប់និងរបួសក្នុង គ្រោះថ្នាក់ចរាចរនេះបានកើតឡើង ៩លើកធ្វើឱ្យខូចខាត់យានយន្ដ១៥គ្រឿង ក្នុងនោះម៉ូតូ១២គ្រឿង, រថយន្ដតូច៣ គ្រឿង ។ មូលហេតុនាំឱ្យមានគ្រោះថ្នាក់ កើតឡើងទី១ល្មើសល្បឿន៣លើក, បើក បរក្នុងស្ថានភាពស្រវឹង, បត់មិនប្រុង ប្រយ័ត្ន៣លើក, មិនគោរពសិទ្ធិឥទ្ធិភាព ១លើក, មិនប្រកាន់ស្ដាំ១លើក និងបើក ជែង១លើក ៕ ឆ្លាមសមុទ្រ
