ខេត្តស្វាយរៀង៖ មានការភ្ញាក់ផ្អើលពីសំណាក់ព្រះសង្ឃ ហើយបានរាយការណ៍ទីសមត្ថកិច្ចមូលដ្ឋានមកពិនិត្យសព ខណៈដែលប្រទះឃើញមនុស្សស្លាប់អណ្ដែតទឹកស្រះ
វត្តតាសួសកាលពីវេលាម៉ោង៩និង៣០នាទីយប់ថ្ងៃទី៣ខែមីនាឆ្នាំ២០២២ស្ថិតនៅក្នុងភូមិតាសួស ឃំុត្រស់ ស្រុករមាសហែក។
យោងតាមសមត្ថកិច្ចនគរបាលស្រុកបានឱ្យដឹងថា បុរសខាងលើមានឈ្មោះវក អាយុប្រហែល៤០ឆ្នាំ ជាមនុស្សវិកលចរិត រស់នៅក្នុងវត្តតាសួស ក្នុងភូមិតាសួស ឃំុត្រស់ ស្រុករមាសហែក។
បើតាមព្រះសង្ឃព្រះនាម ពិន ម៉េងហុង គង់នៅវត្តតាសួសដែលបានប្រទះឃើញមនុស្សលង់ទឹកស្លាប់អណ្ដែតនៅក្នុងស្រះទឹកបានឱ្យដឹងថា បុរសនេះ
ជាមនុស្សវិកលចរិត(ឆ្កួត)បានមករស់នៅក្នុងវត្តតាសួសតាំងពីឆ្នាំ១៩៩៩មកម៉្លេះដោយពុំស្គាល់ភូមិ ឃុំនិងសាច់ញាតិ នៅឯណាទេ។
ព្រះសង្សគង់នៅវត្តតាសួសបានមានថេរដីកាថា ជនរងគ្រោះបានបាត់កាលពីយប់ថ្ងៃទី០២ខែមីនាឆ្នាំ២០២២ ហើយព្រះសង្ឃបានស្វះស្វែងតាមរកដែរតែពុំឃើញ ទើបតែពេលនេះប្រទះឃើញស្លាប់អណ្ដែតទឹកស្រះបង្កការភ្ញាក់ផ្អើលតែម្ដង។
សពត្រូវបានសមត្ថកិច្ចនិងអាជ្ញាធរសហការជាមួយប្រជាពលរដ្ឋស្រង់ឡើងលើគោកនិងពិនិត្យមើលជាបឋមពុំឃើញមានស្លាកស្នាមអ្វីទេ ហើយបានរក្សាទុកនៅវត្តដើម្បីរង់ចាំធ្វើការពិនិត្យរបស់គ្រូពេទ្យជំនាញនៅពេលព្រឹកបន្តទៀត៕
ដោយ៖ យឹម សុថាន
