ភ្នំពេញ៖ រថយន្តសេរីទំនើបម៉ាកRANGE ROVER បានបើកមកចតទុកចោលនៅលើចំណីផ្លូវ ត្រូវបានយុវជន២នាក់ជិះម៉ូតូឌុបគ្នានិងស្រវឹងស្រាស្រឿងៗ ហើយរវល់តែនិយាយទូរស័ព្ទផងនោះ ក៏ជ្រុលមកបុកចំរថយន្តពីក្រោយពេញទំហឹង បណ្ដាលឲ្យរងការខូចខាតទាំងសង
ខាង ។ ហេតុការណ៍គ្រោះថ្នាក់ចរាចរណ៍ខាង
លើនេះបានកើតឡើងកាលពីវេលាម៉ោង១១និង
០៥នាទីយប់ ថ្ងៃទី២៦ ខែមេសា ឆ្នាំ២០១៦ នៅចំណុចមុខឡាក់គី សេវិន ណេត តាមបណ្ដោយផ្លូវ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ប្រភពព័ត៌មានពីប្រជាពលរដ្ឋដែលឃើញហេតុការណ៍ខាងលើបានប្រាប់ឲ្យដឹងថា នៅមុនពេលកើតហេតុគឺមានរថយន្តម៉ាក
RANGE ROVER ពណ៌ស ពាក់ស្លាកលេខភ្នំពេញ2AF.7699 បានបើកមកចតទុកចោលនៅលើចំណីផ្លូវ២៧១ ដែលជាកន្លែងកើតហេតុ ក្រោយមកស្រាប់តែមានយុវជន២នាក់ជិះម៉ូតូមួយគ្រឿងម៉ាកស្មាក់វី ពណ៌ខ្មៅ ពាក់ស្លាកលេខភ្នំពេញ1R.4813 ឌុបគ្នាក្នុងទិសដៅពីត្បួងទៅជើងតាមបណ្ដោយផ្លូវ២៧១ ក្នុងល្បឿនលឿនល្មម តែដោយសារយុវជននោះជិះម៉ូតូរវល់តែនិយាយទូរស័ព្ឋហើយមិនបានមើលមុខ ខណះមកដល់ចំណុចកើតហេតុស្រាប់តែជ្រុលមកបុកចំរថយន្តដែលចតចោលលើចំណីផ្លូវចំពីក្រោយតែម្ដង បណ្ដាលឲ្យរថយន្តបែកកញ្ចក់និងស្ទុបក្រោយ ចំណែកឯម៉ូតូបង្ករងការខូចខាតខាងមុខទាំងស្រុ៊ង ដោយឡែកយុវជនទាំង២នាក់នោះរងរបួសបែកមុខហូរឈាមបន្តិចបន្ទួច មិនទៅព្យាបាលនៅមន្ទីរពេទ្យនោះទេ។
ក្រោយពេលកើតហេតុ ភាគីខាងម្ចាស់រថយន្តRANGE ROVER បានទាមទាសំណងថ្លៃខូចខាតចំនួន៣ពាន់ដុល្លារតែដោយសារឃើញភាគីខាងម៉ូតូមានការខ្វះខាត និងនឹកឃើញខ្លួនគាត់ចតរថយន្តខុសដែរ ក៏ឲ្យភាគីខាងម៉ូតូទៅយកឯកសារពាក់ព័ន្ឋនិងខ្លួន មកប្រគល់ឲ្យរូបគាត់ដើម្បីរងចាំថ្ងៃស្អែកយកម៉ូតូទៅប្រចាំឬលក់យកលុយបន្តិចបន្ទួចមកឲ្យភាគីខាងរថយន្តដើម្បីបញ្ចប់រឿង ដោយមិនពាក់ព័ន្ឋនិងសមត្ថកិច្ចមូលដ្ឋានឡើយ៕

ដោយៈជីម ភារ៉ា ដង្កោ