ភ្នំពេញៈ បុរសម្នាក់ត្រូវបានក្រុមចោរដកកាំភ្លើងភ្ជង់យកម៉ូតូបានសម្រេច ខណៈកំពុងជិះម៉ូតូដឹកគ្នាកាលពីវេលា
ម៉ោង១៨និង៥០នាទីថ្ងៃទី២៩ ខែមេសា ឆ្នាំ២០១៦។
ហេតុការខាងលើបានកើតឡើងនៅចំនុចដីឡូតិ៍មួយកន្លែង ឋិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ។
ជនរងគ្រោះឈ្មោះ ឡូត ហ្វី លិព ប្រុស អាយុ៣៥ឆ្នាំ មុរបរគ្រូបង្រៀន ស្នាក់នៅ ភូមិត្រពាំងរវា សង្កាត់កាកាប ខណ្ឌពោធិសែនជ័យ ។ ម៉ូតូជនរងគ្រោះម៉ាក FTR ពណ៌ទឹកបិុច ពាក់ស្លាកលេខ ភ្នំពេញ 1FC7755 ។
ជនសង្ស័យ មានគ្នាពីរនាក់ ជិះម៉ូតូមា៉ក់ MSX មិនស្គាល់ស្លាកលេខ បានដកកាំមិនស្គាល់ម៉ាកមកភ្ជង់ហើយបានយកម៉ូតូជិះគេចខ្លួនបាត់តែម្តង។
ជនរងគ្រោះបានអោយដឹងថាៈ មុនពេលកើតហេតុ បាននាំគ្នាជិះមកពីកន្លែងធ្វើការទៅអង្គុយលេងនៅកន្លែងដីវាលស្រាប់តែមានជនមិនស្គាល់អត្តញាណពីរនាក់បានជិះម៉ូតូមកឈប់រួចបានដកកាំភ្លើងមកភ្ជង់គំរាមយកម៉ូតូបានសំរេចហើយជិះម៉ូតូគេចខ្លួនបាត់ ។
បច្ចុប្បន្នជនរងគ្រោះមកដាក់ពាក្យបណ្តឹងនៅប៉ុស្ត៍រដ្ឋបាលឃ្មួញ ស្រាវជ្រាវបន្ត ៕
តុង សីហា
