ភ្នំពេញ៖ ជនសង្ស័យ៣នាក់ជិះម៉ូតូ២គ្រឿង មួយគ្រឿងម៉ាក់ហុងដា Scoopy និងមួយគ្រឿងទៀតម៉ាក់ហុងដា សេ១២៥ ប្រដាប់ដោយបំពង់ទីបដែក ធ្វើសកម្មភាពវាយប្លន់យកម៉ូតូ១គ្រឿងម៉ាកហុងដា សេ១២៥ ស៊េរីឆ្នាំ២០១៦ ពីជនរងគ្រោះ២នាក់ប្តីប្រពន្ធ គេចខ្លួនដោយសុវត្តិភាព ។
ហេតុការណ៍ប្លន់ខាងលើនេះបានកើតឡើងនៅវេលាម៉ោង១០និង៣០នាទីយប់ថ្ងៃទី១ ខែឧសភា ឆ្នាំ២០១៦ ត្រង់ចំនុចក្បែរទីបញ្ជាការដ្ឋាន កងរាជអាវុធហត្ថលើផ្ទៃប្រទេស តាមបណ្ដោយផ្លូវលេខ២៨៩ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
ជនរងគ្រោះឈ្មោះ អូម សោម ភេទប្រុស អាយុ២៤ឆ្នាំ មានស្រុកកំណើតនៅខេត្តព្រៃវែង បច្ចុប្បន្នស្នាក់នៅផ្ទះជួលក្នុងសង្កាត់ស្ទឹងមានជ័យ ខណ្ឌមានជ័យ ជិះម៉ូតូមួយគ្រឿងម៉ាកហុងដា១២៥ ស៊េរីឆ្នាំ២០១៦ ពាក់ស្លាកលេខភ្នំពេញ 1FU-3238 ។
តាមប្រភពព័ត័មានពីសាក្សីនៅកន្លែកើតហេតុបានឲ្យដឹងថា នៅមុនពេលកើតហេតុ គឺបុរសរងគ្រោះបានជិះម៉ូតូម៉ាកហុងដា ដឹកប្រពន្ធមកពីផ្ទះម្តាយមីង គោលបំណងត្រឡប់ទៅផ្ទះវិញ លុះជិះមកដល់កន្លែងកើតហេតុខាងលើ ស្រាប់តែជនសង្ស័យ៣នាក់ ជិះម៉ូតូ២គ្រឿងម៉ាក ហុងដា Scoopy និងហុងដា សេ១២៥ ប្រដាប់ដោយបំពង់ទីបដែក រួចមកធ្វើសកម្មភាពវាយប្លន់យកម៉ូតូពីជនរងគ្រោះ បានសម្រេចហើយគេចខ្លួនដោយសុវត្តិភាពតែម្តង ។
ក្រោយកើតហេតុជនងគ្រោះ ត្រូវបានសមត្ថកិច្ចមូលដ្ឋាននាំមកដាក់ពាក្យប្តឹងនៅប៉ុស្តិ៍នរគបាលបឹងកក់ទី១ ដើម្បីកំណត់មុខសញ្ញាជនសង្ស័យទាំងអស់នោះដើម្បីចាប់ការតាមនិតិវិធី ៕
ដោយ៖ ស ដារ៉ា
...
