ក្រសួងការពារ ជាតិរុស្សីុបានប្រកាសថា បានសាកល្បង ប្រកបដោយជោគជ័យនូវកាំជ្រួចមីសីុល ប្រភេទ RS-24 Yars ជាប្រភេទមីសីុល ឆ្លងទ្វីបបំពាក់ក្បាលគ្រាប់បរមាណូដែល អាចហោះហើរឆ្លងកាត់ប្រព័ន្ធកាំជ្រួចមីសីុលការពាររបស់អាមេរិកបាន យ៉ាងល្អប្រសើរ ។
មន្ដ្រីជាន់ខ្ពស់ក្នុងក្រសួងការពារជាតិ រុស្សីុបានឱ្យដឹងថា ការសាកល្បងកាំជ្រួច មីសីុលខាងលីនេះធ្វើឡើងនៅទីតាំងទ័ព អាកាស Plesetsk កាលពីថ្ងៃទី២៦ ខែធ្នូ ដោយមីសីុលនោះបានសម្ដៅទៅកាន់ គោលដៅដែលបានកំណត់ទុកនៅលើ កោះ Kamchatka ។
កាំជ្រួចមីសីុល RS-24 Yars បាន វាយប្រហារទៅចំគោលដៅដែលបាន គ្រោងទុកដូចការចង់បាន ។ ការសាក ល្បងដោយជោគជ័យនេះ កម្លាំងទាហាន កាំជ្រួចមីសីុល នឹងកាន់តែមានសមត្ថភាពខ្លាំងអាចបំបែកប្រព័ន្ធកាំជ្រួច មីសីុលការពាររបស់អាមេរិកបាន ។
ប៉ុន្ដែរដ្ឋាភិបាលទីក្រុងមូស្គូបានអះ អាងថា ការដែលអភិវឌ្ឍន៍កាំជ្រួច មីសីុលវាយលុកដែលមានសមត្ថភាព ខ្ពស់នេះមិនសំដៅគំរាមកំហែងទៅលើប្រទេសណាមួយឡើយ ដោយគ្រាន់តែត្រួតពិនិត្យទៅលើសមត្ថភាពនៃកាំជ្រួច មីសីុលរុស្ស៊ីដែលអាចបំពាក់ក្បាលគ្រាប់បរមាណូ ។
កម្លាំងបរមាណូរបស់រុស្ស៊ីបានខិតខំហ្វឹកហ្វឺន និងបំពាក់ មីសីុលទំនើបៗជាច្រើនជំនួសទៅនឹង មីសីុលដែលមានអាយុកាលប្រើប្រាស់ ជាង៥០ឆ្នាំកន្លងមក ។ កាំជ្រួចមីសីុលថ្មី បំផុតគឺប្រភេទRS-24 Yars មានសមត្ថភាពខ្ពស់ក្នុងការវាយប្រហារ ហើយបាន បំពាក់ក្បាលគ្រាប់បរមាណូទៀតផង អាចកម្ទេចគោលដៅដែលមានចម្ងាយ ដល់ទៅ៣.៥០០គីឡូម៉ែត្រ ។ អ្វីដែល ពិសេសជាងនេះទៅទៀតនោះ កាំជ្រួច មីសីុលអាចបំពាក់រនាំងការពាររបស់អាមេរិកបាន៕
ប្រែសម្រួល៖ ម៉ែវ សាធី
