រូបភាពរបស់លោកស្រី Vitoria Donda Perez ដែលជាតំណាងរាស្ត្រដ៏ស្រស់ស្អាត់របស់អាហ្សន់ទីន និងជាតំណាងរាស្ត្រវ័យក្មេងបំផុតក្នុងសភា បានឲ្យកូនបៅពេលកំពុងប្រជុំសភា ត្រូវគេថតបង្ហោះធ្វើឲ្យមានការជជេកដេញដោលសម្រាប់មិត្តអ្នកអាន។
សារព័ត៌មាន Dailymail បានផ្សាយកាលពីថ្ងៃទី២៤ខែកក្កដាថានៅក្នុងកិច្ចប្រជុំសភាកាលពីដើមខែកក្កដា លោកស្រី Victoria Donda Perez បានឲ្យកូនស្រីអាយុ៨ខែបៅកណ្តាលសភាប្រជុំ បើទោះបីមានតំណាងរាស្ត្រជាច្រើនអង្គុយជុំវិញនាងក៏ដោយ។
នាង Vitoria Donda Perez គឺជាសកម្មជនសិទ្ធិមនុស្សនិងជាមេធាវី ផងដែរ។ នៅឆ្នាំ២០០៧ នាងបានជាប់ឆ្នោតជាតំណាងរាស្ត្រវ័យក្មេងបំផុតនៅក្នុងសភាអាហ្សង់ទីន។ ជាមួយនិងរូបសម្បត្តិស្រស់ស្អាតនាងក្លាយជាតំណាងរាស្ត្រលេចធ្លោជាងគេបំផុតក្នុងសភាអាហ្សង់ទីន។ ពលរដ្ឋអាហ្សង់ទីនបានឲ្យឈ្មោះនាងថា«Dipusex» មានន័យថា តំាណាងរាស្ត្រសិចស៊ី។
ក្រោយពេលបង្ហាញរូបភាពតាមបណ្តាញអិនធឺណែតនាងទទួលបានការចាប់អារម្មណ៍យ៉ាងខ្លាំងពីមិត្តអ្នកអានទាំងក្នុងនិងក្រៅប្រទេស។ មនុស្សជាច្រើនបានបញ្ចាក់ថា រូបភាពខាងលើគឺជាគំរូដ៏ល្អសម្រាប់អ្នកម្តាយដែលយកចិត្តទុកដាក់បំពេញតួនាទីជាអ្នកម្តាយបើទោះបីរវាល់ក្នុងការងាបែបណាក្តី។ ប៉ុន្តែមនុស្សមួយចំនួនក៏បានថ្កោលទោសថាសកម្មភាពខាងលើមិនសមស្រប់ទៅនិងកិច្ចប្រជុំសភា ដែលជាស្ថាប័នអនុម័តច្បាប់ដ៏សំខាន់របស់ជាតិ៕
