ខេត្តប៉ៃលិន÷ យោងតាមរបាយការណ៍របស់លោក មាឃ សារ៉ន ជាអធិការដ្ឋាននគរបាលស្រុកសាលាក្រៅបានឲ្យដឹងថា÷នៅម៉ោង ២១និង៣០នាទី ថ្ងៃទី ២២ខែ០៦ឆ្នាំ២០២២ មានករណីហិង្សាដោយចេតនាមានស្ថានទម្ងន់ទោស ១ករណីដោយជនជាតិថៃប្រុសស្រី២នាក់

បានទោសសំដីគ្នារួចជេរគ្នា បណ្ដាលឲ្យ
បុរសម្នាក់ជនជាតិថៃខឹងក៏យកកាំបិតកៃមុខស្រួចយកមកចាក់ទៅលើស្ត្រីម្នាក់បណ្ដាលឲ្យងរបួសធ្ងន់ ពេលមុនបញ្ជូនទៅដល់មន្ទីរពេទ្យ គ្រូពេទ្យជំនាញបានពិនិត្យលើស្ត្រីនោះ (ស្លាប់មុនពេលបញ្ជូន
យកដល់មន្ទីរពេទ្យបង្អែក ។

លោកអធិការស្រុកបានបន្តថា÷ករណីនេះកើតឡើងនៅចំណុចក្នុងសណ្ឋាគារម្កុជពេជ្រ បន្ទប់លេខ២០៤ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឃាត់ខ្លួនជនសង្ស័យជាជនបង្កម្នាក់។ ជនសង្ស័យឈ្នោះ កា ប៉ាន់យ៉ា ថាមម៉ាសេង ភេទប្រុស អាយុ ៣០ឆ្នាំ ជនជាតិថៃ ។
ជនរងគ្រោះឈ្មោះ ឈីង មើយ ភេទស្រី អាយុប្រហែល ៣០ឆ្នាំ ជនជាតិថៃ ស្នាក់នៅសណ្ឋាគារម្កុជពេជ្រ បន្ទប់លេខ២០៤ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ស្លាប់ពេលមុនបញ្ជូនដល់មន្ទីពេទ្យ) ។
មូលហេតុ : ដោយសារជនសង្ស័យខឹងនឹងជនរងគ្រោះជេរឪពុករបស់ខ្លួនក៏មានទំនាស់គ្នាហើយជនបង្ករក៏បានយកកូនកាំបិតកៃមុខស្រួចចាក់ទៅលើជនរងគ្រោះជាច្រើនកាំបិតបណ្ដាលឱ្យរងរបួសធ្ងន់ នក្រោយមកក៏បានស្លាប់ពេលមុនបញ្ចូនទៅដល់មន្ទីពេទ្យបង្អែកខេត្តប៉ៃលិន ។
បន្ទាប់មកសមត្តកិច្ចនគរបាលជំនាញ
ស្រុកក៏ដកហូតបានវត្តតាង កាំបិតកៃមុខស្រួច១ដើម ករណីនេះសមត្តកិច្ចនគរបាលជំនាញកំពុងអនុវត្តបន្តតាមនីតិវិធីច្បាប់៕

ដោយ៖ ស សារ៉េត