ភ្នំពេញៈ ជនសង្ស័យពីរនាក់មុខរបរឆ្ងាញ់ខាងឆក់ទូរស័ព្ទ ត្រូវសមត្ថកិច្ចកងរាជអាវុធហត្ថខណ្ឌ៧មករាក្របួចបានភ្លាមៗ ក្រោយពីធ្វើសកម្មភាពរួច កាលពីវេលាម៉ោង១៩.៣០នាទីយប់ថ្ងៃទី០៩ ខែឧសភា ឆ្នាំ២០១៦ នៅ ចំនុចផ្លូវលេខ២១៤ កែង ផ្លូវ ៩៣ សង្កាត់បឹងព្រលឹត ខណ្ឌ៧មករា។
សមត្ថកិច្ចបានអោយដឹងថាៈ ជនសង្ស័យមានគ្នា០២ នាក់និងមានឈ្មោះ-១- គួច សៀវភីង ភេទ ប្រុស អាយុ ១៨ ឆ្នាំ ជនជាតិ ខ្មែរមុខរបរ បុគ្គលិក នៅសណ្ឋាគារធីហាវ ផ្នែក សំអាត មានទីលំនៅ
ផ្ទះលេខ១៥០អឺហ្សេរ៉ូ ផ្លូវលេខ ៦៣ សង្កាត់ចតុមុខ ខណ្ឌដូនពេញ និងទី២- ផុន ចាន់ធូ ភេទ ប្រុស អាយុ ២៥ ឆ្នាំ ជនជាតិ ខ្មែរ មុខរបរ
ពុំពិតប្រាកដ មានទីលំនៅម្ដុំសង់លីហ្សេ ខណ្ឌចំការមន ។ ដោយឡែកជនរងគ្រោះពីរនាក់ប្ដីប្រពន្ធពេលកំលាំងកំពុងចាប់ជនសង្ស័យ គាត់បានជិះម៉ូតូចេញទៅបាត់ ។
វត្ថុតាងចាប់យករួមមាន÷ម៉ូតូ០១ គ្រឿងម៉ាកស៊ុយស៊ួគីលេត ( SUZUKI Lets ) ពណ៏សបឹតស្កុតពណ៏ខ្មៅ ពាក់ស្លាកលេខ ភ្នំពេញ 1BZ-6214 ។
សមត្ថកិច្ចបន្តថាៈ មុនកើតហេតុនៅម៉ោង១៩.៣០នាទីថ្ងៃទី០៩/០៥/១៦ នៅចំនុចផ្លូវ២១៤ កែង៩៣ ក្នុងសង្កាត់បឹងព្រលឹត មានលលឺសំឡេងស្រែកថាចោរៗពេលនោះកំលាំងល្បាតរបស់កងរាជអាវុធហត្ថខណ្ឌ៧មករា បានមកដល់ដេញតាមជនសង្ស័យទាំងពីរនាក់ ក៏ឈានដល់ឃាត់ខ្លួនបានតែម្ដង ។
បច្ចប្បន្នជនសង្ស័យទាំងពីរ និងសំភារៈ ( ម៉ូតូ០១គ្រឿង) បញ្ជូនទៅ
ការិយាល័យព្រហ្មទណ្ឌអាវុធហត្ថក្រុងដើម្បីអនុវត្តបន្តតាមនីតិវិធី ៕
ដោយ សុខ ខេមរា
