ទន្ទឹមនឹងនេះ ខ្ញុំបន្តខិតខំពង្រឹងសហប្រតិបត្តិការល្អជាមួយមិត្តចិន និងបណ្តាប្រទេសនានា ដើម្បីជំរុញការនាំចេញផលិតផលកសិកម្មពីកម្ពុជាអោយកាន់តែច្រើនឡើង និងជាមួយបណ្តាប្រទេសជាង៦០ថែមទៀត ដើម្បីបង្កើនចំណូលកសិករអោយមានជីវភាពធូរធារ។ នៅរសៀលថ្ងៃនេះផងដែរ ខ្ញុំមានកិត្តិយសបានផ្តល់ពានរង្វាន់កសិកម្មដល់កសិករឆ្នើមទូទាំងប្រទេសចំនួន ៦នាក់។ ទន្ទឹមនឹងនេះ ខ្ញុំសូមអំពាវនាវបងប្អូនកសិករនិងពាណិជ្ជករសូមកុំរកស៊ីលក់ផ្លូវលើផលិតផលកសិកម្មអោយសោះ។

ខ្ញុំសូមអំពាវនាវដល់ក្រសួង មន្ទីរ ស្ថាប័ន និងអាជ្ញាធរពាក់ព័ន្ឋទាំងអស់ត្រូវចូលរួមជួយ គាំទ្រ សម្រួលគ្រប់យ៉ាង និងលើកទឹកចិត្តបងប្អូនកសិករ ក៏ដូចជាពាណិជ្ជករ និងវិនិយោគគិនទាំងឡាយ ដែលកំពុងវិនិយោគ ដើម្បីយើងរួមគ្នាជំរុញវិស័យកសិកម្មអោយកាន់តែឆាប់រីកចម្រើន។

ខ្ញុំសូមរដ្ឋមន្រ្តីកសិកម្មថ្មីយកចិត្តទុកដាក់ដោះស្រាយ និងជំរុញវិស័យកសិកម្មអោយកាន់តែរីកចម្រើនទៅមុខ។ ខ្ញុំសូមអំពាវនារដល់ប្រជាពលរដ្ឋ ព្រះសង្ឃ សហគមន៌ និងសកម្មជនដែលស្រឡាញ់ព្រៃឈើ សូមបងប្អូនចូលរួមថែរក្សាការពារព្រៃឈើជាមួយរាជរដ្ឋាភិបាលទាំងអស់គ្នា។ សូមរួមគ្នារាយការណ៌មករាជរដ្ឋាភិបាលជាបន្ទាន់ ប្រសិនបើមានជនល្មើសទាំងឡាយណាបន្តកាប់ព្រៃកាប់ឈើខុសច្បាប់តទៅទៀត៕